ഡ്യൂപ്ലിക്കേറ്റ് ഐ ഫോണ്‍ ചാര്‍ജറുകളില്‍ 99 ശതമാനവും അടിസ്ഥാന സുരക്ഷാ പരിശോധനകളില്‍ പരാജയപ്പെടുന്നുവെന്ന് റിപ്പേര്‍ട്ട്. കനേഡിയന്‍ ഗവേഷകര്‍ മൊബൈല്‍ ചാര്‍ജറുകളെക്കുറിച്ച് നടത്തിയ പഠനത്തിലാണ് ഇതു കണ്ടെത്തിയത്. പവര്‍ സേഫ്റ്റി കമ്പനിയായ യു.എല്ലിന്റെ കനേഡിയന്‍ ഡിവിഷനാണ് പഠനം നടത്തിയത്. 

400 ഐഫോണ്‍ ബാറ്ററി ചാര്‍ജറുകളാണ് പരിശോധനയ്ക്ക് വിധേയമാക്കിയത്. അടിസ്ഥാന സുരക്ഷാടെസ്റ്റുകള്‍ പോലും അവയില്‍ 99 ശതമാനവും മറികടന്നില്ല. തകരാറുള്ള മൊബൈല്‍ ബാറ്ററികള്‍ പോലെ തന്നെ ഗുരുതരമായ മറ്റൊരു പ്രശ്‌നമാണ് ഡ്യൂപ്ലിക്കേറ്റ് ചാര്‍ജറുകള്‍ ഉയര്‍ത്തുന്നതെന്ന് ഗവേഷകര്‍ പറയുന്നു. ചാര്‍ജറുകള്‍ക്ക് എത്ര കറണ്ട് കടത്തിവിടാന്‍ ശേഷിയുണ്ടെന്ന് മനസിലാക്കാന്‍ 'ഇലക്ട്രിക് സ്‌ട്രെങ്ത് ടെസ്റ്റ്' ആണ് നടത്തിയത്.