സംസ്ഥാന ജൈവവൈവിധ്യ ബോര്‍ഡ് ഡോക്ടറല്‍/പോസ്റ്റ് ഡോക്ടറല്‍ ഫെല്ലോഷിപ്പുകള്‍ക്ക് അപേക്ഷ ക്ഷണിച്ചു. ജൈവവൈവിധ്യ സംരക്ഷണവുമായി ബന്ധപ്പെട്ട ഗവേഷണങ്ങള്‍ക്കാണ് ജൂനിയര്‍ റിസര്‍ച്ച് ഫെല്ലോഷിപ്പ് (അഞ്ച് എണ്ണം, പ്രതിമാസം പന്ത്രണ്ടായിരം രൂപ) പോസ്റ്റ് ഡോക്ടറല്‍ ഫെല്ലോഷിപ്പ് (ഒരെണ്ണം, പ്രതിമാസം ഇരുപതിനായിരം രൂപ) എന്നിവ നല്‍കുന്നത്.

അന്‍പത്തിയഞ്ച് ശതമാനത്തില്‍ കുറയാത്ത മാര്‍ക്കോടെ ജീവശാസ്ത്രത്തില്‍ ബിരുദാനന്തര ബിരുദം, എം.ഫില്‍/അംഗീകൃത എലിജിബിലിറ്റി ടെസ്റ്റിലുള്ള യോഗ്യത എന്നിവയുള്ളവര്‍ക്ക് ജൂനിയര്‍ റിസര്‍ച്ച് ഫെല്ലോഷിപ്പിനും ജൈവവൈവിധ്യ സംരക്ഷണവുമായി ബന്ധപ്പെട്ട വിഷയത്തില്‍ ഡോക്ടറല്‍ ബിരുദം നേടിയവര്‍ക്ക് പോസ്റ്റ് ഡോക്ടറല്‍ ഫെല്ലോഷിപ്പിനും അപേക്ഷിക്കാം. അപേക്ഷാഫോറവും ഫെല്ലോഷിപ്പ് സംബന്ധിച്ച കൂടുതല്‍ വിവരങ്ങളും www.keralabiodiverstiy.org എന്ന വെബ്‌സൈറ്റിലുണ്ട്. അപേക്ഷകള്‍ ലഭിക്കേണ്ട അവസാന തീയതി 2017 ജനുവരി പത്ത്.