മലപ്പുറം: 500, 1000 രൂപ നോട്ടുകള്‍ അസാധുവാക്കിയതിനെത്തുടര്‍ന്ന് സഹകരണ ബാങ്കിങ് മേഖലയിലെ പ്രവര്‍ത്തനങ്ങളില്‍ ഉïായിട്ടുള്ള മാന്ദ്യം മറികടക്കുന്നതിനായി സഹകരണ ബാങ്കിങ് മേഖല സംരക്ഷണ കണ്‍വെന്‍ഷന്‍ ജില്ലാ തലത്തില്‍ നടന്നു. താലൂക്ക് തലത്തില്‍ 17നകം കണ്‍വന്‍ഷനുകള്‍ നടത്താന്‍ തീരുമാനിച്ചു. സഹകരണ സംരക്ഷണ ദിനത്തോടനുബന്ധിച്ച് 18ന് ഒരു ലക്ഷം സഹകാരികളും ഒരു ലക്ഷം ജീവനക്കാരും കേരളത്തിലെ 67 ലക്ഷത്തോളം വരുന്ന ഭവനങ്ങള്‍ സന്ദര്‍ശിച്ച് ആശങ്കകള്‍ ദുരീകരിക്കുന്നതിനു സഹകരണ മേഖലയുടെ നിലനില്‍പിന്റെ ആവശ്യകതയു ബോധ്യപ്പെടുത്തും. ജില്ലയിലെ അയ്യായിരത്തോളം വരുന്ന സരകാരികളും ജീവനക്കാരും ജില്ലയിലെ ഏഴ് ലക്ഷത്തില്‍ പരം ഭവനങ്ങള്‍ സന്ദര്‍ശിച്ച് കാംപയിനില്‍ പങ്കാളികളാകും. പരിപാടിയില്‍ സഹകരണ സംഘം ജോയന്റ് രജിസ്ട്രാര്‍ മലപ്പുറം എം.ടി ദേവസ്യ സ്വാഗതം പറഞ്ഞു. മഞ്ഞളാംകുഴി അലി എംഎല്‍എ ഉദ്ഘാടനം ചെയ്തു. ജില്ലാ ബാങ്ക് പ്രസിഡന്റ് എ.അഹമ്മദ്കുട്ടി അധ്യക്ഷനായി. ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ആമുഖ പ്രഭാഷണം നടത്തി. സഹകരണ എംപ്ലോയീസ് പെന്‍ഷന്‍ ബോര്‍ഡ് ചെയര്‍മാന്‍ സി.ദിവാകരന്‍ മുഖ്യപ്രഭാഷണം നടത്തി. മുസ്‌ലിംലീഗ് ജില്ലാ ജനറല്‍ സെക്രട്ടറി കെ.എന്‍.എ ഖാദര്‍, സി.പി.എം ജില്ലാ സെക്രട്ടറി പി.വി വാസുദേവന്‍, ഡി.സി.സി പ്രസിഡന്റ് ഇ.മുഹമ്മദ്കുഞ്ഞി, സി.പി.ഐ ജില്ലാ സെക്രട്ടറി പി.പി സുനീര്‍ പങ്കെടുത്തു.