മാവൂര്‍: താത്തൂര്‍ ശുഹദാ സ്മാരക മര്‍കസുല്‍ ഉലൂം വാര്‍ഷികാഘോഷങ്ങള്‍ക്കു തുടക്കമായി. ഇന്നലെ രാവിലെ നടന്ന ശുഹദാ മഖാം സിയാറത്തിന് അബൂബക്കര്‍ ദാരിമി ഒളവണ്ണ നേതൃത്വം നല്‍കി. വി. മോയിമോന്‍ ഹാജി മുക്കം പതാക ഉയര്‍ത്തി. പാഴൂര്‍ റെയ്ഞ്ച് വിദ്യാര്‍ഥി ഫെസ്റ്റ് സയ്യിദ് മുബശ്ശിര്‍ ജമലുല്ലൈലി ഉദ്ഘാടനം ചെയ്തു.
വൈകിട്ടു നടന്ന നബിദിന ഘോഷയാത്രയ്ക്ക് അബൂബക്കര്‍ ഫൈസി മലയമ്മ, അബ്ദുല്‍ ജബ്ബാര്‍ ഫൈസി, അബ്ദുല്‍ ജബ്ബാര്‍ അന്‍വരി, അബ്ദുറഹ്മാന്‍ ലത്തീഫി, എന്‍.പി ഹംസ മാസ്റ്റര്‍, ഒ.പി അഷ്‌റഫ്, അയ്യൂബ് കൂളിമാട്, സി.എ ശുകൂര്‍ മാസ്റ്റര്‍ നേതൃത്വം നല്‍കി. രാത്രി 7.30നു നടന്ന ഉദ്ഘാടന സമ്മേളനം സംസ്ഥാന വഖഫ് ബോര്‍ഡ് ചെയര്‍മാന്‍ പാണക്കാട് റഷീദലി ശിഹാബ് തങ്ങള്‍ ഉദ്ഘാടനം ചെയ്തു. ഡോ. എം.കെ മുനീര്‍ എം.എല്‍.എ മുഖ്യാതിഥിയായിരുന്നു. ചിറ്റടി അഹമ്മദ് കുട്ടി ഹാജി അധ്യക്ഷനായി. റഹ്മത്തുല്ലാ ഖാസിമി മൂത്തേടം, മുസ്തഫ ഹുദവി ആക്കോട് പ്രസംഗിച്ചു.
ഇന്നു രാവിലെ ഒന്‍പതിന് അല്‍ബിര്‍റ് ഫെസ്റ്റ് കെ.എന്‍.എസ് മൗലവി ഉദ്ഘാടനം ചെയ്യും. വൈകിട്ട് ഏഴിനു നടക്കുന്ന മതപ്രഭാഷണ പരിപാടി സമസ്ത ജന. സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. സത്താര്‍ പന്തല്ലൂര്‍ മുഖ്യാതിഥിയാകും. മുനീര്‍ ഹുദവി പാതിരമണ്ണ പ്രഭാഷണം നടത്തും.