മലപ്പുറം: അന്യായമായി യു.എ.പി.എ ചുമത്തുന്നതിനെതിരെ വിമര്‍ശനവുമായി മുസ്‌ലിം ലീഗ്‌. കേരളത്തിലെ പൊലിസിനെ ഭരിക്കുന്നത് സംഘപരിവാറണെന്ന് മുസ്‌ലിം ലീഗ്‌ ആരോപിച്ചു. അവരുടെ അജന്‍ഡയ്ക്ക് അനുസരിച്ചാണ് പൊലീസിന്റെ പ്രവര്‍ത്തനം. യുഎപിഎ നിയമം പൊലിസ് വര്‍ഗീയമായി ഉപയോഗിക്കുകയാണെന്നും മുസ്ലിംലീഗ് സംസ്ഥാ ജനറല്‍ സെക്രട്ടറി കെ.പി.എ മജീദ് പ്രതികരിച്ചു. യു.എ.പി.എ മനുഷ്യത്വ വിരുദ്ധമാണെന്ന് ലീഗ് നേരെത്തെ വ്യക്തമാക്കിയിട്ടുണ്ട്.

യുവമോര്‍ച്ച ഡിജിപിക്ക് പരാതി അയച്ച നിസ്സാരസംഭവങ്ങള്‍ക്കുപോലും യുഎപിഎ കേസെടുക്കുകയാണ് കേരള പൊലിസ് ചെയ്യുന്നത്.

മുസ്ലിം സമുദായത്തില്‍ ഉളളവര്‍ക്കു നേരെ മാത്രമാണ് യുഎപിഎ ചുമത്തപ്പെടുന്നത്. മുസ്ലിംകളോട് വിവേചനമാണ് സര്‍ക്കാര്‍ കാട്ടുന്നതെന്നും അദ്ദേഹം പറഞ്ഞു. മാവോയിസ്റ്റ് ബന്ധം ആരോപിച്ച് നദീര്‍ എന്ന യുവാവിനെ കസ്റ്റഡിയില്‍ എടുക്കുകയും യുഎപിഎ ചുമത്തിയെന്ന് പ്രചാരണം ഉണ്ടാകുകയും ചെയ്തിരുന്നു. ഈ കേസുമായി ബന്ധപ്പെട്ടാണ്
മുസ്‌ലിം ലീഗിന്റെ പ്രതികരണം.

കമലിന്റെ വീട്ട് പടിക്കല്‍ ദേശീയ ഗാനം പ്രതിഷേധ സമരത്തിന്റെ ഭാഗമാക്കിയവര്‍ക്കെതിരെ നടപടിയുണ്ടായില്ല. യുഎപിഎ നടപ്പാക്കുന്നതില്‍ വര്‍ഗീയ വിവേചനമുണ്ട് . യുഎപിഎ സംബന്ധിച്ച് സര്‍ക്കാര്‍ നയം വ്യക്തമാക്കണമെന്നും മജീദ് പറഞ്ഞു