പറവൂര്‍: മാഞ്ഞാലി എ.ഐ.എസ്.യു.പി സ്‌കൂളിലെ അധ്യാപക നിയമനത്തില്‍ അമ്പതുലക്ഷത്തോളം രൂപ തട്ടിയെടുത്ത കേസിലെ പ്രതികളായ സ്‌കൂള്‍ മുന്‍ മാനേജറും അന്‍സാറുല്‍ ഇസ്‌ലാം സംഘം പ്രസിഡന്റുമായ മാഞ്ഞാലി പുത്തന്‍ പറമ്പില്‍ പി.എം അന്‍സാരി, സംഘം മുന്‍ സെക്രട്ടറി പുത്തന്‍ പറമ്പില്‍ പി.എസ് മാലിക്ക് എന്നിവരെ അന്‍സാറുല്‍ ഇസ്‌ലാം സംഘത്തില്‍ നിന്നും പുറത്താക്കിയതായി ഭാരവാഹികള്‍ അറിയിച്ചു.
2005 മുതല്‍ 2016 ആഗസ്റ്റ് വരെയുള്ള കാലയളവില്‍ സ്‌കൂളില്‍ പതിമൂന്ന് അധ്യാപകരെയും ഒരു പ്യുണിനെയും ഏകപക്ഷീയമായി നിയമിച്ച സംഭവത്തിലാണ് നടപടി. സംഘം ഭരണസമിതിയുടെയും രക്ഷാധികാര കമ്മിറ്റിയുടെയും സംയുക്തയോഗമാണ് ഇവരെ സംഘത്തിന്റെ പ്രാഥമിക അംഗത്ത്വത്തില്‍നിന്ന് പുറത്താക്കാന്‍ തീരുമാനിച്ചതെന്ന് പ്രസിഡന്റ് കെ എ ഇബ്രാഹിം കുട്ടി,സെക്രട്ടറി സി എ അബ്ദുല്‍ സലാം എന്നിവര്‍ പറഞ്ഞു.