ന്യൂഡല്‍ഹി: മഹാരാജാസ് കോളജിലെ വിവാദമായ ചുവരെഴുത്ത് പ്രശ്‌നത്തില്‍ കോളജ് പ്രിന്‍സിപ്പലിന്റെ നടപടി ശരിയെന്ന് വിദ്യാഭ്യാസ മന്ത്രി സി. രവീന്ദ്രനാഥ്. ചുവരെഴുത്തുകളുടെ ഭാഷയും ആശയവും പ്രധാനപ്പെട്ടതാണ്. മഹാരാജാസില്‍ പ്രത്യക്ഷപ്പെട്ട ചുവരെഴുത്തിലെ ഭാഷ കാംപസിന് ചേരാത്തതു കൊണ്ടാണു പ്രിന്‍സിപ്പല്‍ പരാതി നല്‍കിയത്.
 ഭാഷ സംസ്‌കാരശൂന്യമായാല്‍ മറ്റൊരു ആശയമാണ് ഉത്പാദിപ്പിക്കപ്പെടുക. ഇതു ശ്രദ്ധിക്കാനും നേരെയാക്കാനുമുള്ള ബാധ്യത പ്രിന്‍സിപ്പലിനും പൊലിസിനുമുണ്ട്. സംഭവത്തെ കുറിച്ച് വിദ്യാഭ്യാസ വകുപ്പ് റിപ്പോര്‍ട്ട് തേടിയിട്ടുണ്ടെന്നും മന്ത്രി ഡല്‍ഹിയില്‍ വ്യക്തമാക്കി.