ഉരുവച്ചാല്‍:ശിവപുരം റോഡില്‍ വാഹനങ്ങളുടെ മരണപ്പാച്ചില്‍ തടയാന്‍ നാട്ടുകാരുടെ സീബ്രാലൈന്‍.
പഴശ്ശി മദ്‌റസയ്ക്കു മുന്‍പിലാണ് വാഹനങ്ങളുടെ അമിതവേഗത നിയന്ത്രിക്കാന്‍ നാട്ടുകാര്‍ ഹമ്പുകളില്‍ സിഗ്‌നലും സീബ്രാലൈനും വരച്ചത്. മദ്‌റസക്ക് സമീപത്തായി രണ്ട് ഹമ്പുകള്‍ നിലവിലുണ്ട്.

എന്നാല്‍ സ്വകാര്യ വാഹനങ്ങള്‍ ചീറിപ്പായുന്നത് മദ്‌റസ വിദ്യാര്‍ഥികള്‍ക്ക് ഭീഷണിയായതോടെയാണ് രണ്ട് ഹമ്പിലും സിഗ്‌നലും സീബ്രാലൈനും വരച്ചത്. സ്വകാര്യബസുകള്‍ അമിതവേഗതയിലോടുന്നതിനാല്‍ നാട്ടുകാര്‍ ബസ് തൊഴിലാളികള്‍ക്കു താക്കീത് നല്‍കിയിയിരുന്നു. എന്നിട്ടും വേഗത കുറയാത്തതിനാലാണ് സിഗ്‌നല്‍ വരച്ചത്.