ന്യൂഡല്‍ഹി: മൂന്ന് ടാറ്റ ഗ്രൂപ്പ് കമ്പനികളുടെ സ്വതന്ത്ര ഡയരക്ടര്‍ ആയിരുന്ന നുസ്‌ലി വാഡിയ ടാറ്റ സണ്‍സ്, രത്തന്‍ ടാറ്റ എന്നിവര്‍ക്കെതിരെ മാനനഷ്ടക്കേസ് ഫയല്‍ ചെയ്തു. പദവിയില്‍ നിന്ന് മാറ്റുന്നതിനെ പിന്തുണച്ച് ഷെയര്‍ ഉടമകള്‍ വോട്ട് ചെയ്തതിനു പിന്നാലെയാണ് നടപടി.

ടാറ്റ ഗ്രൂപ്പിന്റെ വിവിധ കമ്പനികളിലെ ചെയര്‍മാന്‍ സ്ഥാനത്തു നിന്ന് സൈറസ് മിസ്ത്രിയെ പെട്ടെന്നു നീക്കം ചെയ്തതില്‍ നുസ്‌ലി വാഡിയ അപലപിച്ചിരുന്നു.

ഇതേത്തുടര്‍ന്നാണ് നുസ്‌ലി വാഡിയയും ടാറ്റയ്ക്ക് പുറത്താവുന്നത്. കഴിഞ്ഞദിവസമാണ് നുസ്‌ലി വാഡിയയെ പുറത്താക്കാന്‍ കമ്പനികളുടെ ബോര്‍ഡ് യോഗം തീരുമാനിച്ചത്. ഒക്ടോബര്‍ 24 നാണ് സൈറസ് മിസ്ത്രിയെ പുറത്താക്കുന്നത്.