ലുധിയാന: കശ്മീരി വിദ്യാര്‍ഥികളോട് മോശമായി പെരുമാറിയ സി.ടി സര്‍വകലാശാല വൈസ് ചാന്‍സിലറെ പുറത്താക്കി. വിസി നിതിന്‍ ടണ്ടനെ പുറത്താക്കിയതായി ചാന്‍സിലര്‍ ചരണ്‍ജിത് സിങ് ചന്നി വ്യക്തമാക്കി. സംഭവത്തിന്റെ വീഡിയോ ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിച്ചതിന് പിന്നാലെയാണ് നടപടി. 

റമദാന്‍ മാസത്തില്‍ യൂനിവേഴ്‌സിറ്റി മെസില്‍ അത്താഴത്തിനും, നോമ്പ് തുറയ്ക്കും ക്രമീകരണങ്ങള്‍ ചെയ്യണമെന്ന് ആവശ്യപ്പെട്ട മുസ്‌ലിം വിദ്യാര്‍ഥികളെയാണ് വിസി അധിക്ഷേപിച്ചത്. ഓണ്‍ലൈനില്‍ പ്രചരിക്കുന്ന വീഡിയോയില്‍ വൈസ് ചാന്‍സിലര്‍ കശ്മീരി വിദ്യാര്‍ഥികളെ കാമ്പസ് വിട്ടുപോകാന്‍ ഭീഷണിപ്പെടുത്തുന്നത് വ്യക്തമാണ്. ' ഞാന്‍ ഇവിടെയുള്ള എല്ലാവരെയും പുറത്താക്കാന്‍ പോവുന്നു. നിങ്ങളുടെ പ്രവേശനം റദ്ദാക്കിയിരിക്കുന്നു,' എന്നിങ്ങനെ വിസി നിതിന്‍ ടണ്ടന്‍ ആക്രോശിക്കുന്നതാണ് വീഡിയോയിലുള്ളത്. 

ALSO READ: പശുവിന്റെ പാല്‍ ബുദ്ധി വര്‍ധിപ്പിക്കും; എരുമപ്പാല്‍ കുട്ടികളെ മടിയന്‍മാരാക്കും; വിചിത്ര വാദമുയര്‍ത്തി രാജസ്ഥാന്‍ വിദ്യാഭ്യാസ മന്ത്രി  

അതേസമയം പതിവായി ഫീസടയ്ക്കുന്ന വിദ്യാര്‍ഥികളാണെന്നും, റമദാന്‍ സമയത്ത് യൂനിവേഴ്‌സിറ്റി മെസില്‍ ഉചിതമായ സമയത്ത് ഭക്ഷണം നല്‍കണമെന്ന് മാത്രമാണ് വിദ്യാര്‍ഥികള്‍ ആവശ്യപ്പെട്ടതെന്നും ജമ്മുകശ്മീര്‍ സ്റ്റുഡന്റ്‌സ് അസോസിയേഷന്‍ വ്യക്തമാക്കി. വിദ്യാര്‍ഥികളുടെ ന്യായമായ ആവശ്യം പരിഗണിക്കുന്നതിന് പകരം വൈസ് ചാന്‍സിലറും മറ്റുചില ഉദ്യോഗസ്ഥരും ചേര്‍ന്ന് ഭീഷണിപ്പെടുത്തുകയും, അധിക്ഷേപകരമായ ഭാഷ ഉപയോഗിക്കുകയും ചെയ്തു. വിദ്യാര്‍ഥികളോട് കാമ്പസ് ഒഴിയാനുള്ള മുന്നറിയിപ്പ് നല്‍കിയെന്നും അസോസിയേഷന്‍ ദേശീയ കണ്‍വീനര്‍ നാസിര്‍ ഖുഹാമി പറഞ്ഞു. 

ct university vice-chancellor, who mistreated kashmiri students, has been removed. chancellor charanjit singh channi confirmed that vc nitin tandon was dismissed. the action came after video footage of the incident circulated on social media.