തിരുവനന്തപുരം: ആര്‍ച് ബിഷപ്പ് സൂസപാക്യത്തിന് പാളയം പള്ളി ഇമാം വി.പി സുഹൈബ് മൗലവി ക്രിസ്മസ് ആശംസകള്‍ നേര്‍ന്നു.പുരോഗമന മുസ്‌ലിം സാംസ്‌കാരിക വേദിയുടെ ആഭിമുഖ്യത്തിലായിരുന്നു പരിപാടി സംഘടിപ്പിച്ചത്. ലോകത്തിലെ ഇന്നത്തെ സാഹചര്യത്തില്‍ എല്ലാ മതങ്ങളും പരസ്പരം സ്‌നേഹത്തോടും സഹോദര്യത്തോടും ഇടപഴകുന്നതിനും മനുഷ്യര്‍ തമ്മിലുള്ള സാമൂഹിക ബന്ധം മെച്ചപ്പെടുത്തുന്നതിനും ഇത്തരം കൂടിച്ചേരലുകള്‍ ഉപകരിക്കുമെന്ന് ബിഷപ്പ് അഭിപ്രായപ്പെട്ടു. ഇന്നലെ വൈകുന്നേരം ബിഷപ്പ് ഹൗസില്‍ വെച്ചായിരുന്നു പരിപാടി സംഘടിപ്പിച്ചത്. പുരോഗമന മുസ്‌ലിം സാംസ്‌കാരിക വേദി കണ്‍വീനര്‍ എന്‍.എസ് അനീഷ്, കോഓര്‍ഡിനേറ്റര്‍മാരായ അന്‍വര്‍ ഹുസൈന്‍, മുജീബ് റഹ്മാന്‍ എന്നിവര്‍ പങ്കെടുത്തു.