മനാമ: ബഹ്‌റൈനില്‍ പ്രവര്‍ത്തിക്കുന്ന തളിര്‍ ചാരിറ്റബിള്‍ ട്രസ്റ്റ് തീക്കുനി കമ്മറ്റി ബഹ്‌റൈന്‍ പ്രവാസികളായ സാമൂഹിക പ്രവര്‍ത്തകരെ ആദരിച്ചു. ബഹ്‌റൈന്‍ 45 ാം ദേശീയ ദിനത്തോടനുബന്ധിച്ച് സംഘടിപ്പിച്ച പരിപാടിയിലാണ് പ്രദേശത്തുകാരായ മികച്ച സാമൂഹിക പ്രവര്‍ത്തകരെ  ആദരിച്ചത്.


ഇന്ത്യന്‍ സ്‌കൂള്‍ മുന്‍ ചെയര്‍മാനും സാമൂഹിക പ്രവര്‍ത്തകനുമായ ആര്‍ പവിത്രന്‍,  ജീവകാരുണ്യ പ്രവര്‍ത്തകനും കെ എം സി സി കോഴിക്കോട് ജില്ലാ വൈസ് പ്രസിഡന്‍ര്, കടമേരി റഹ് മാനിയ്യ അറബിക് കോളേജ്, നഫീസത്തുല്‍ മിസ് രിയ ബഹ്‌റൈന്‍ കമ്മറ്റികളുടെ വൈസ് പ്രസിഡന്റ് എന്നീ സ്ഥാനങ്ങള്‍ വഹിക്കുന്ന സൂപ്പി ജീലാനി എന്നിവരെയാണ് ആദരിച്ചത്.


പ്രദേശത്തെ പഴയകാല  പ്രവര്‍ത്തകരായ ഏറത്ത് അമ്മദ് ഹാജി,  കുറ്റിക്കാട്ടില്‍ അസീസ് എന്നിവരെ ഷാള്‍ അണിയിച്ചാണ്  ആദരിച്ചത്.

ചടങ്ങില്‍ അലി കോമത്ത് അധ്യക്ഷത വഹിച്ചു. കെ ടി സലിം ഉദ്ഘാടനം ചെയ്തു. അനാറത്ത് അമ്മദ് ഹാജി, കെ ടി സലിം എന്നിവര്‍ മെമെന്റോ സമര്‍പ്പിച്ചു.  


എ പി ഫൈസല്‍, കെ പി മുസ്തഫ, ഫൈസല്‍ കോട്ടപ്പള്ളി, ഫൈസല്‍ കണ്ടീല്‍ത്താഴ, അബ്ദുല്ല മാസ്റ്റര്‍ എന്നിവര്‍ ആശംസകള്‍ നേര്‍ന്നു. സിറാജ് പള്ളിക്കര മുഖ്യ പ്രഭാഷണം നടത്തി.

റഫ്‌നാദ് തീക്കുനി സ്വാഗതവും കെ കെ ഹസ്സന്‍ നന്ദിയും പറഞ്ഞു. ഇതോടനുബന്ധച്ച് വിവിധ കലാപരിപാടികളും ഒരുക്കിയിരുന്നു. നൗഷാദ് വടക്കയില്‍, അഷ്‌റഫ് കുറ്റിക്കാട്ടില്‍, ലത്തീഫ് പുതുശ്ശേരി, ഷരീഫ് നരിക്കോട് എന്നിവര്‍ നേതൃത്വം നല്‍കി.