HOME
DETAILS

ടോം ഉഴുന്നാലിന്റെ മോചനത്തിനായി കേന്ദ്രം ഇടപെടുമെന്ന് സുഷമ സ്വരാജ്

  
backup
December 27 2016 | 04:12 AM

%e0%b4%9f%e0%b5%8b%e0%b4%82-%e0%b4%89%e0%b4%b4%e0%b5%81%e0%b4%a8%e0%b5%8d%e0%b4%a8%e0%b4%be%e0%b4%b2%e0%b4%bf%e0%b4%a8%e0%b5%8d%e0%b4%b1%e0%b5%86-%e0%b4%ae%e0%b5%8b%e0%b4%9a%e0%b4%a8%e0%b4%a4%e0%b5%8d


ന്യൂഡല്‍ഹി: യമനിലെ ഏദനില്‍നിന്ന് തീവ്രവാദികള്‍ തട്ടിക്കൊണ്ടുപോയ മലയാളി വൈദികന്‍ ടോം ഉഴുന്നാലിന്റെ മോചനത്തിനായി കേന്ദ്രം ഇടപെടുമെന്ന് വിദേശകാര്യ മന്ത്രി സുഷമ സ്വരാജ്.

ഓരോ ഇന്ത്യക്കാരന്റേയും ജീവന്‍ വിലപ്പെട്ടതാണ്. ടോം ഉഴുന്നാലിന്റെ മോചനത്തിനായി സാധ്യമായതെല്ലാം ചെയ്യുമെന്നും സുഷമ പറഞ്ഞു.

കഴിഞ്ഞ ദിവസമാണ്  ജീവനു വേണ്ടി യാചിക്കുന്ന വൈദികന്റെ പുതിയ വിഡിയോ യൂട്യൂബില്‍ പ്രത്യക്ഷപ്പെട്ടത്.

ഇന്ത്യക്കാരനായതിനാലാണ് തന്നെ ആരും രക്ഷിക്കാത്തതെന്നും മറ്റേതെങ്കിലും രാജ്യക്കാരനായിരുന്നെങ്കില്‍ ഇതിനകം സഹായം ലഭിക്കുമായിരുന്നെന്നും സന്ദേശത്തില്‍ പറയുന്നു. 55 കാരനായ ടോം ക്ഷീണിതനാണെന്നാണ് യൂട്യൂബില്‍ നിന്ന് വ്യക്തമാകുന്നത്. വാക്കുകളില്‍ നിരാശയും ദുഃഖവും നിഴലിക്കുന്നു. തന്റെ മോചനത്തിന് തട്ടിക്കൊണ്ടുപോയവര്‍ ബന്ധപ്പെടാന്‍ ശ്രമിച്ചിട്ടും ആരും പ്രതികരിക്കുന്നില്ലെന്ന് സന്ദേശത്തിലുണ്ട്. യൂറോപ്യന്‍ പുരോഹിതനാണെങ്കില്‍ തന്റെ സ്ഥിതി ഇതാകുമായിരുന്നില്ല. ഫ്രാന്‍സില്‍ നിന്നുള്ള മാധ്യമപ്രവര്‍ത്തകയെ മോചിപ്പിച്ചകാര്യം അദ്ദേഹം എടുത്തുപറഞ്ഞു.

സലേഹ് സലേം എന്നയാളുടെ അക്കൗണ്ടില്‍ നിന്നാണ് വിഡിയോ അപ്്‌ലോഡ് ചെയ്തത്.

കോട്ടയം പാലാ രാമപുരം സ്വദേശിയായ ഫാ.ടോമിനെ ഐ.എസ് അനുകൂലികള്‍ തട്ടിക്കൊണ്ടുപോയതായാണ് സംശയിക്കുന്നത്. കഴിഞ്ഞ മാര്‍ച്ച് നാലിന് മദര്‍ തെരേസാ ചാരിറ്റബിള്‍ ട്രസ്റ്റിന്റെ വയോധിക സംരക്ഷണ കേന്ദ്രത്തില്‍ വച്ചാണ് സംഭവം. കന്യാസ്ത്രീകളും അന്തേവാസികളുമടക്കം 16 പേരെ കഴുത്തറുത്തു കൊലപ്പെടുത്തിയ ശേഷമാണ് തട്ടിക്കൊണ്ടുപോയത്.

കഴിഞ്ഞ ദുഃഖ വെള്ളി ദിനത്തില്‍ ഫാ.ടോമിനെ ക്രൂശിക്കുമെന്ന് ഐ.എസ് അറിയിച്ചിരുന്നെങ്കിലും പിന്നീട് ഇദ്ദേഹത്തിന്റെ വിഡിയോ സന്ദേശം പുറത്തുവന്നിരുന്നു.

 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."