കോഴിക്കോട്: ശംസുല്‍ ഉലമാ ഇ.കെ.അബൂബക്കര്‍ മുസ്‌ലിയാരുടെ 21-ാം ഉറൂസ് മുബാറകിന് കൊടിയേറി. വരക്കല്‍ മഖാമില്‍ സമസ്ത ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ കൊടി ഉയര്‍ത്തിയതോടെയാണ് ഉറൂസിന് സമാരംഭം കുറിച്ചത്. തുടര്‍ന്ന് നടന്ന ഉദ്ഘാടന സമ്മേളനം ജാമിഅ ദാറുസ്സലാം പ്രിന്‍സിപ്പല്‍ മൗലാനാ മൂസക്കുട്ടി ഹസ്രത്ത് ഉദ്ഘാടനം ചെയ്തു. ഉമര്‍ ഫൈസി മുക്കം അധ്യക്ഷനായി.
ഓത്തിടല്‍ കര്‍മത്തിന് ഒളവണ്ണ അബൂബക്കര്‍ ദാരിമി നേതൃത്വം നല്‍കി. ഇ.കെ അബൂബക്കര്‍ മുസ്്‌ലിയാര്‍, എ.വി അബ്ദുറഹിമാന്‍ മുസ്്‌ലിയാര്‍, ജലീല്‍ ഫൈസി വെളിമുക്ക്, മാണിയൂര്‍ അബ്ദുല്‍ ഖാദിര്‍ ഖാസിമി, അഹമ്മദ് ഫൈസി കടലൂര്‍, ആര്‍.വി.കുട്ടിഹസന്‍ ദാരിമി, ഉമര്‍ ഹാജി കുറ്റിക്കാട്ടൂര്‍, പി.കെ മാനുസാഹിബ്, രാമനാട്ടുകര അബുഹാജി, എസ്.വി ഹസന്‍കോയ, മരക്കാര്‍ ഹാജി, എന്‍ജിനിയര്‍ മാമുക്കോയ ഹാജി, അര്‍.വി.എ സലാം സംബന്ധിച്ചു. ഒ.പി അഷ്‌റഫ് സ്വാഗതവും ശഫീഖ് ദാരിമി പന്നൂര്‍ നന്ദിയും പറഞ്ഞു. രാത്രി നടന്ന മത പ്രഭാഷണത്തില്‍ എസ്. വി. ഹസ്സന്‍കോയ അധ്യക്ഷതനായി. നവാസ് മന്നാനി പനവൂര്‍ പ്രഭാഷണം നടത്തി. ശഫീഖ് അല്‍ ഖാസിമി ആമുഖ പ്രഭാഷണം നടത്തി. ഒ.ടി മുഹമ്മദ്കുട്ടി സൈനി സ്വാഗതവും യഹ്‌യ വെള്ളയില്‍ നന്ദിയും പറഞ്ഞു.
ഇന്ന് നടക്കുന്ന മതപ്രഭാഷണം പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. എ.വി അബ്ദുറഹിമാന്‍ മുസ്്‌ലിയാര്‍ ആമുഖ പ്രഭാഷണം നടത്തും. അഹമ്മദ് കബീര്‍ ബാഖവി മുഖ്യപ്രഭാഷണം നടത്തും. ചടങ്ങില്‍ ഹിഫ്‌ള് കോളജില്‍ നിന്നും കോഴ്‌സ് പൂര്‍ത്തിയാക്കിയവരെ ആദരിക്കും. ചൊവ്വാഴ്ച ഉറൂസ് സമാപിക്കും.