കൊല്ലം: പത്രപ്രവര്‍ത്തകനും ഗ്രന്ഥകാരുനും കാര്‍ട്ടൂണിസ്റ്റുമായിരുന്ന കിഷോറിന്റെ സ്മരണയ്ക്കായി കിഷോര്‍ അനുസ്മരണസമിതി ഏര്‍പ്പെടുത്തിയ അഞ്ചാമതു കിഷോര്‍ പത്രപ്രവര്‍ത്തക അവാര്‍ഡിനു സി. വിമല്‍കുമാര്‍ (കേരളകൗമുദി) അര്‍ഹനായി. 5001 രൂപയും ശില്‍പവും പ്രശസ്തിപത്രവും അടങ്ങുന്ന അവാര്‍ഡ് കിഷോറിന്റെ ഏഴാം ചരമവാര്‍ഷികദിനമായ ഏഴിനു കൊല്ലം പ്രസ് ക്ലബില്‍ നടക്കുന്ന അനുസ്മരണ സമ്മേളനത്തില്‍ നല്‍കും.