കുന്ദമംഗലം: വെള്ളിപറമ്പ് കീഴ്മാട് യൂത്ത് ലീഗ് പ്രവര്‍ത്തകര്‍ക്കു നേരെ ഡി.വൈ എഫ്.ഐ ആക്രമണം. വൈത്യുതി പോസ്റ്റില്‍ കൊടി കെട്ടുകയായിരുന്ന യൂത്ത് ലീഗ് പ്രവര്‍ത്തകര്‍ക്കു നേരെ ഒരു പ്രകോപനവുമില്ലാതെ ഡി.വൈ.എഫ്.ഐ ലോക്കല്‍ കമറ്റി നേതാവിന്റെ നേതൃത്വത്തിലുള്ള സംഘം ആക്രമിക്കുകയായിരുന്നെന്ന് യൂത്ത് ലീഗ് ആരോപിച്ചു. കീഴ്മാട് കരിമ്പയില്‍ ജാഫറിന്റെ മക്കളായ തല്‍ഹത്ത്, ബിലാല്‍ എന്നിവരെ സാരമായ പരുക്കുകളോടെ കോഴിക്കോട് ബീച്ച് ആശുപത്രിയില്‍ പ്രവേശിപ്പിച്ചു. ഇന്നലെ വൈകിട്ട് പ്രകടനമായെത്തിയ ഡി.വൈ.എഫ്.ഐ പ്രവര്‍ത്തകര്‍ മുസ്‌ലിം ലീഗ് കൊടിമരം, ബസ് സ്റ്റോപ്പ് എന്നിവ നശിപ്പിച്ചു. സംഘര്‍ഷാവസ്ഥ നിലനില്‍ക്കുന്നതിനാല്‍ മെഡി. കോളജ് പൊലിസ് സ്ഥലത്തെത്തി ക്യാംപ് ചെയ്യുന്നുണ്ട്.