അല്‍ ഐന്‍: കോട്ടുമല ടി.എം ബാപ്പു മുസ്‌ലിയാരുടെ വേര്‍പാടില്‍ അല്‍ ഐന്‍ സുന്നി യൂത്ത് സെന്റര്‍ പ്രസിഡന്റ് സയ്യിദ് വി.പി പൂക്കോയ തങ്ങള്‍ ബാ അലവി, ജനറല്‍ സെക്രട്ടറി ഇ.കെ മൊയ്തീന്‍ ഹാജി, മറ്റു സുന്നീ സെന്റര്‍ പ്രവര്‍ത്തക സമിതി മെമ്പര്‍മാരും അഗാധമായ ദു:ഖം രേഖപ്പെടുത്തി.

സമസ്തക്കും സുന്നത്ത് ജമാഅത്തിനും മുസ്‌ലിം കേരളത്തിനും അദ്ദേഹത്തിന്റെ വേര്‍പാട് തീരാനഷ്ടമാണെന്ന് അനുശോചനക്കുറിപ്പില്‍ പറഞ്ഞു. അദ്ദേഹത്തിന്റെ വിയോഗത്തോടെ സമസ്തക്ക് ഊര്‍ജസ്വലനായ ഒരു നേതാവിനേയാണ് നഷ്ടമായതെന്നും അനുശോചിച്ചു.

ബുധനാഴ്ച മഗ്‌രിബ് നിസ്‌കാരത്തിന് ശേഷം ഖത്മുല്‍ ഖുര്‍ആനും ഇശാ നമസ്‌കാരത്തിന് ശേഷം ജനാസ നമസ്‌കാരവും സുന്നീ സെന്റര്‍ മജ്‌ലിസില്‍ നടക്കും.

അല്‍ ഐന്‍ എസ്.കെ.എസ്. എസ് എഫ്

കോട്ടുമല ഉസ്താദിന്റെ വേര്‍പാടില്‍ അല്‍ ഐന്‍ എസ്.കെ.എസ്.എസ്.എഫ് കമ്മിറ്റി നേതാക്കള്‍ ദു:ഖം രേഖപ്പെടുത്തുകയും പ്രാര്‍ത്ഥന നടത്തുകയും ചെയ്തു.

പ്രസിഡന്റ് നൗഷാദ് തങ്ങള്‍ ഹുദവി, സെക്രട്ടറി ഉമര്‍ വാഫി, ഹുസൈന്‍ മുസ്‌ലിയാര്‍ എന്നിവരും സംസ്ഥാന കമ്മിറ്റി പ്രവര്‍ത്തകരും വിവിധ ജില്ലാ കമ്മിറ്റികളും അനുശോചിച്ചു.

അല്‍ ഐന്‍ കെ.എം.സി.സി

അല്‍ ഐന്‍ കെ.എം.സി.സി പ്രസിഡന്റ് സയ്യിദ് ശിഹാബുദ്ധീന്‍ തങ്ങള്‍ ബാഅലവി, ആക്ടിംഗ് പ്രസിഡന്റ്  ഇ.കെ ബക്കര്‍ തിരുന്നാവായ, ജനറല്‍ സെക്രട്ടറി സയ്യിദ് ഹാഷിം തങ്ങള്‍, ട്രഷറര്‍ തസ്‌വീര്‍ ശിവപുരം, ആക്ടിംഗ് സെക്രട്ടറി മുഹമ്മദ് ആനക്കര എന്നിവര്‍ അനുശോചനം അറിയിച്ചു.

ഉസ്താദിന്റെ നിര്യാണത്തോടെ സുന്നി കൈരളിക്ക്  വലിയ നഷ്ടമാണ് ഉണ്ടായിട്ടുള്ളത് എന്ന് കെ.എം.സി.സി കേന്ദ്ര കമ്മിറ്റി ഉപാധ്യക്ഷന്‍ അഷ്‌റഫ് പള്ളിക്കണ്ടം പറഞ്ഞു.