റിയാദ്: തലസ്ഥാന നഗരിയായ റിയാദില്‍ നടന്ന റെയ്ഡില്‍ വന്‍ മദ്യശേഖരം പിടികൂടി. റിയാദിലെ ഒരു വെയര്‍ഹൗസില്‍  നടത്തിയ തിരച്ചിലിലാണ് 22,000 മദ്യക്കുപ്പികള്‍ കണ്ടെടുത്ത്  നശിപ്പിച്ചത് .സ്വദേശിയുടെ ഉടമസ്ഥതയിലുള്ള വെയര്‍ഹൗസില്‍ നടത്തിയ തിരച്ചിലിലാണ് മദ്യക്കുപ്പികള്‍ കണ്ടെടുത്തത്. വെയര്‍ഹൗസ് ഉടമയെ കൂടാതെ മറ്റൊരു സ്വദേശിയെയും രണ്ടു പാക് പൗരന്മാരെയും പിടികൂടി.ജനറല്‍ ഡയറക്ടറേറ്റ് ഓഫ് നാര്‍ക്കോട്ടിക്‌സ് കണ്‍ട്രോള്‍ ടീമാണ് തിരച്ചിലിന് നേതൃത്വം നല്‍കിയത്.