ആലപ്പുഴ: സംസ്ഥാന തലത്തില്‍ പവര്‍ലിഫിറ്റിംഗ് മത്‌സരങ്ങള്‍ അടിയന്തിരമായി നടത്തിയശേഷം യോഗ്യരായ ടീമിനെ തെരഞ്ഞെടുത്ത് ദേശീയ സ്‌കൂള്‍ ഗയിംസിന് അയക്കണമെന്ന് സംസ്ഥാന മനുഷ്യാവകാശ കമ്മീഷന്‍ ആക്റ്റിംഗ് ചെയര്‍പേഴ്‌സണ്‍ പി. മോഹനദാസ് ഉത്തരവിട്ടു.
22 നാണ് പൂനയില്‍ ദേശീയ സ്‌കൂള്‍ കായികമേള നടക്കുന്നത.്പവര്‍ലിഫ്റ്റിംഗ് സ്‌കൂള്‍ മാനുവലില്‍ ഉള്‍പ്പെടുത്താത്തത് കാരണം മലയാളി വിദ്യാര്‍ത്ഥികള്‍ക്ക് പങ്കെടുക്കാന്‍ കഴിയാത്ത സാഹചര്യമാണ് നിലവിലുള്ളത്.
എന്നാല്‍ 2016 ഡിസംബര്‍ 17 ന് കേരള ഹൈക്കോടതി പുറപ്പെടുവിച്ച ഉത്തരവില്‍ വ്യാപകപ്രചാരം നല്‍കിയശേഷം സംസ്ഥാന തലത്തില്‍ പവര്‍ലിഫ്റ്റിംഗ് മത്സരം നടത്താന്‍ നിര്‍ദ്ദേശിച്ചിരുന്നു.പരാതിക്കാരായ കുട്ടികള്‍ 13 ന് രാവിലെ 11.45 ന് ഡി.പി.ഐക്ക് മുമ്പില്‍ ഹാജരാകണമെന്നും കമ്മീഷന്‍ നിര്‍ദ്ദേശിച്ചു.
പരാതിക്കാരെ കേട്ടശേഷം ജനുവരി 22ന് പൂനയില്‍ നടക്കുന്ന മത്സരത്തില്‍ മത്സരാര്‍ത്ഥികളെ അയക്കണമെന്നും കമ്മീഷന്‍ നിര്‍ദ്ദേശിച്ചു.കേസ് ഫെബ്രുവരി 7 ന് കേസ് വീïും പരിഗണിക്കും.ആലപ്പുഴ എ.ബി.വി ഹയര്‍സെക്കന്ററി സകൂള്‍ വിദ്യാര്‍ത്ഥികള്‍ സമര്‍പ്പിച്ച പരാതിയിലാണ് നടപടി.