കോഴിക്കോട്: കരിപ്പൂര്‍ വിമാനത്താവളത്തെ സംരക്ഷിക്കണമെന്നാവശ്യപ്പെട്ട് കോഴിക്കോട്ട് 19ന് ജനകീയ കൂട്ടായ്മ സംഘടിപ്പിക്കുന്നു. മലബാര്‍ ഡവലപ്‌മെന്റ ഫോറത്തിന്റെ ആഭിമുഖ്യത്തില്‍ രൂപീകരിച്ച 'സേവ് കരിപ്പൂര്‍' ആണ് ജനകീയ കൂട്ടായ്മ സംഘടിപ്പിക്കുന്നത്. വൈകിട്ട് മൂന്നിന് ന്യൂ നളന്ദ ഓഡിറ്റോറിയത്തില്‍ നടക്കുന്ന പരിപാടിയില്‍ എം.കെ രാഘവന്‍ എം.പി ഉള്‍പ്പെടെയുള്ളവര്‍ സംബന്ധിക്കും.
വലിയ വിമാനങ്ങള്‍ക്ക് ഇറങ്ങാനുള്ള അനുമതി ലഭിക്കാത്തതിനാല്‍ ഇത്തവണത്തെ ഹജ്ജ് എംബാര്‍ക്കേഷന്‍ ക്യാംപ് കരിപ്പൂരിന് ലഭിക്കുമോ എന്നുള്ള ആശങ്ക നിലനില്‍ക്കുന്ന സാഹചര്യത്തിലാണ് പ്രക്ഷോഭമെന്ന് എം.ഡി.എഫ് പ്രസിഡന്റെ കെ.എം ബഷീര്‍ അറിയിച്ചു.