മൊസൂള്‍: ഐ.എസ് ഭീകരര്‍ കൈവശപ്പെടുത്തിയിരുന്ന മൊസൂള്‍ യൂനിവേഴ്‌സിറ്റിയുടെ ഒരു ഭാഗം തിരിച്ചു പിടിച്ചതായി ഇറാഖ് സൈന്യം. ഐ.എസ് കേന്ദ്രമായി പ്രവര്‍ത്തിച്ചിരുന്ന യൂനിവേഴ്‌സിറ്റിയുടെ പ്രധാന ഭാഗത്തിലൂടെ ഇറാഖ് സൈന്യം പ്രവേശിച്ചുവെന്ന് ഹൈദര്‍ ഫാദിലും അബ്ദുല്‍ വഹാബ് അല്‍ സഅദിയും പറഞ്ഞു.

യൂനിവേസ്റ്റിയില്‍ ഇറാഖിന്റെ കൊടിനാട്ടിയതായും റിപ്പോര്‍ട്ടുണ്ട്. യൂനിവേഴ്‌സിറ്റിക്കുള്ളില്‍ സാധാരണക്കാര്‍ ഇല്ലെന്നാണ് സൈന്യം കണക്കാക്കുന്നത്. അതിനാല്‍ വ്യോമാക്രമണം പോലെയുള്ള ആക്രമണം ശക്തമാക്കാനാണ് തീരുമാനം. യൂനിവേഴ്‌സിറ്റി കോംപ്ലക്‌സില്‍ നിന്ന് കടുത്ത പുകച്ചുരുള്‍ ഉയരുന്നുണ്ട്.

കഴിഞ്ഞ ഒക്ടോബര്‍ മുതലാണ് ഐ.എസിന്റെ പ്രധാനകേന്ദ്രമായ മൊസൂള്‍ പിടിച്ചെടുക്കാനുള്ള ആക്രമണം തുടങ്ങിയത്. അന്നു മുതല്‍ മൊസൂളിന്റെ പ്രധാന ഭാഗങ്ങളെല്ലാം തിരിച്ചുപിടിച്ചു മുന്നേറുകയാണ് സൈന്യം. യു.എസ് പിന്തുണയോടെയുള്ള മുന്നേറ്റത്തില്‍ കിഴക്കന്‍ മൊസൂളിന്റെ ഭൂരിഭാഗം ജില്ലകളും ഇറാഖ് സൈന്യം കൈക്കലാക്കി.