മണ്ണാര്‍ക്കാട്: സുന്നി മഹല്ല് ഫെഡറേഷന്‍ മണ്ണാര്‍ക്കാട് മേഖലാ കമ്മിറ്റിയുടെ കീഴില്‍ പ്രവര്‍ത്തിക്കുന്ന തണല്‍ റിലീഫ്‌സെല്ലിന്റെ ആഭിമുഖ്യത്തില്‍ 31 ന് രാവിലെ പത്ത്മണിക്ക് മണ്ണാര്‍ക്കാട് നെല്ലിപ്പുഴയിലുള്ള ഹോട്ടല്‍ ഹില്‍വ്യുടവറില്‍ ഉലമാ-ഉമറാ സംഗമവും, സമസ്ത കേരള ജംഇയ്യത്തുല്‍ ഉലമ പ്രസിഡണ്ടായിരുന്ന മര്‍ഹൂം  എ.പി. മുഹമ്മദ് മുസ്‌ലിയാര്‍ കുമരംപുത്തൂര്‍,  സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് ജനറല്‍ സെക്രട്ടറിയായിരുന്ന മര്‍ഹൂം കോട്ടുമല ബാപ്പുമുസ്‌ലിയാര്‍   അനുസ്മരണവും, വിവിധ ആവശ്യങ്ങള്‍ക്കുള്ള ധനസഹായ വിതരണവും സംഘടിപ്പിക്കും. അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണം നടത്തും.
കൊപ്പം: സമസ്ത കേരള ഇസ് ലാം മത വിദ്യാഭ്യാസ ബോര്‍ഡ് സെക്രട്ടറിയും കേരള ഹജ്ജ് കമ്മിറ്റി ചെയര്‍മാനുമായിരുന്ന കോട്ടുമല ബാപ്പു മുസ്‌ലിയാരുടെ അനുസ്മരണവും പ്രാര്‍ഥനയും കൈപ്പുറം അസാസുല്‍ ഇസ്‌ലാം മദ്‌റസയില്‍ നടന്നു . സുദര്‍ മുഅല്ലിം കെ .പി. മൊയ്തുട്ടി മുസ്‌ലിയാര്‍ അധ്യക്ഷനായി.   ഫൈസല്‍ ഫൈസി അനുസ്മരണ പ്രഭാഷണവും പ്രാര്‍ഥനയും നടത്തി. കെ.കുഞ്ഞിമൊയ്തീന്‍ മൗലവി, സുലൈമാന്‍ മുസ്‌ലിയാര്‍,  സൈനുദ്ദീന്‍ ഫൈസി, ഷാജ ഹാന്‍ മുസ്‌ലിയാര്‍,  ഉമ്മര്‍ മൗലവി, ഹഫീസ് വാഫി,  അഷ്‌റഫ് ഫൈസി,  നസീര്‍  സംബന്ധിച്ചു.
പട്ടാമ്പി: കള്ളാടിപ്പറ്റ നുസ്‌റത്തുല്‍ ഇസ്‌ലാം മദ്‌റസയുടെ ആഭിമുഖ്യത്തില്‍  സമസ്ത നേതാക്കള്‍ അനുസ്മരണവും ആദര്‍ശ വിശദീകരണവും ഇന്ന് രാത്രി ഏഴ് മണിക്ക് ശംസുല്‍ ഉലമ നഗറില്‍ നടക്കും. സമസ്ത മുശാവറ അംഗം സയ്യിദ് കെ.പി.സി തങ്ങള്‍ വല്ലപ്പുഴ ഉദ്ഘാടനം ചെയ്യും. എസ്.വൈ.എസ് ജില്ലാ വര്‍ക്കിംഗ് സെക്രട്ടറി ജി.എം സ്വലാഹുദ്ദീന്‍ ഫൈസി ആദര്‍ശവിശദീകരണം നടത്തും.
പട്ടാമ്പി: മുതുതല മഹല്ല് കമ്മിറ്റിയുടെ ആഭിമുഖ്യത്തില്‍ ബാപ്പു മുസ്ലിയാര്‍ അനുസ്മരണം നടത്തി. മഹല്ല് ഖത്തീബ് ഹിദായത്തുള്ള അന്‍വരി അനുസ്മരണ പ്രഭാഷണം നടത്തി. മഹല്ല് പ്രസിഡന്റ് സയ്യിദ് മുഹമ്മദ് കോയ തങ്ങള്‍ ദുആ സദസ്സിന് നേതൃത്വം നല്‍കി. ശിഹാബ് തങ്ങള്‍, കോയ തങ്ങള്‍, സുലൈമാന്‍ സംബന്ധിച്ചു.