കല്‍പ്പറ്റ: കേരള പ്രദേശ് സ്‌കൂള്‍ ടീച്ചേഴ്‌സ് അസോസിയേഷന്‍ ജില്ലാ സമ്മേളനം ജനുവരി 21ന് കല്‍പ്പറ്റ മുന്‍സിപ്പല്‍ ടൗണ്‍ഹാളില്‍ മുന്‍മുഖ്യമന്ത്രി ഉമ്മന്‍ചാണ്ടി ഉദ്ഘാടനം ചെയ്യും. ഡി.സി.സി പ്രസിഡന്റ് ഐ.സിബാലകൃഷ്ണന്‍ എം.എല്‍.എ മുഖ്യപ്രഭാഷണം നടത്തും. എന്‍.ഡി അപ്പച്ചന്‍, കെ.കെ അബ്രഹാം, പി.വി ബാലചന്ദ്രന്‍, ടി ഉഷാകുമാരി, പി.പി ആലി എന്നിവര്‍ ഉപഹാരങ്ങള്‍ വിതരണം ചെയ്യും. രാവിലെ 10ന് പ്രതിനിധി സമ്മേളനം കെ.പി.എസ്.ടി.എ സംസ്ഥാന പ്രസിഡന്റ് പി ഹരിഗോവിന്ദന്‍ ഉദ്ഘാടനം ചെയ്യും. ജന.സെക്രട്ടറി എം സ്വലാഹുദീന്‍ മുഖ്യപ്രഭാഷണം നടത്തും.
വിദ്യാഭ്യാസ സമ്മേളനം കെ.പി.സി.സി ജന.സെക്രട്ടറി പി.സി വിഷ്ണുനാഥ് ഉദ്ഘാടനം ചെയ്യും. എം.എസ് വിശ്വനാഥന്‍ മുഖ്യപ്രഭാഷണം നടത്തും. വനിതാ സമ്മേളനം കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍ ഉദ്ഘാടനം ചെയ്യും.

.