കല്‍പ്പറ്റ: സംസ്ഥാന ബാലാവകാശ സംരക്ഷണ കമ്മിഷന്റെ പ്രവര്‍ത്തനങ്ങള്‍ ജനശ്രദ്ധയില്‍ കൊണ്ടുവരുന്നതിനും കുട്ടികളുടെ അവകാശങ്ങളെക്കുറിച്ചുള്ള ബോധവല്‍ക്കരണ പ്രവര്‍ത്തനങ്ങള്‍ നടത്തുന്നതിനുമായി ഐ.ഇ.സി സാമഗ്രികള്‍ തയ്യാറാക്കുന്നതിന് അപേക്ഷിക്കാനുള്ള അവസാനതീയതി ജൂണ്‍ 13 വരെ നീട്ടി. വിവിധ വിഷയങ്ങളെ അടിസ്ഥാനമാക്കി പോസ്റ്ററുകള്‍, ബാനറുകള്‍, ദൃശ്യ, ശ്രാവ്യ പ്രചാരണങ്ങള്‍ക്കാവശ്യമായ രചനകള്‍ മുതലായവയാണ് തയ്യാറാക്കേണ്ടത്. മുന്‍പരിചയവും പ്രാവീണ്യവുമുള്ള വ്യക്തികള്‍ക്കും സ്ഥാപനങ്ങള്‍ക്കും അപേക്ഷിക്കാം. സെക്രട്ടറി, സംസ്ഥാന ബാലാവകാശസംരക്ഷണ കമ്മിഷന്‍, വാന്റോസ് ജങ്ഷന്‍, തിരുവനന്തപുരം-34 എന്ന വിലാസത്തില്‍ ലഭിക്കണം.