ജലന്ദര്‍: നിയമസഭാ തെരഞ്ഞെടുപ്പില്‍ അകാലിദള്‍ -ബി.ജെ.പി സ്ഥാനാര്‍ഥികളുടെ പ്രചാരണത്തിനായി പ്രധാനമന്ത്രി നരേന്ദ്ര മോദി 27ന് പഞ്ചാബിലെത്തും. 27നും 29നും മോദിയുടെ രണ്ട് തെരഞ്ഞെടുപ്പ് റാലികള്‍ നടക്കും.
27ന് ലുധിയാനയിലും 29ന് ജലന്ദറിലുമാണ് റാലി നടക്കുന്നത്. കേന്ദ്ര സാമ്പത്തികകാര്യ മന്ത്രി അരുണ്‍ ജെയ്റ്റ്‌ലി, ബി.ജെ.പി ദേശീയ സെക്രട്ടറി രാംലാല്‍ എന്നിവരും തെരഞ്ഞെടുപ്പ് പ്രചാരണത്തിനായി പഞ്ചാബില്‍ മൂന്നു ദിവസത്തെ സന്ദര്‍ശനം നടത്തുന്നുണ്ട്.
ജെയ്റ്റ്‌ലി ഇന്നലെ സുന്‍ജാപൂരില്‍ റാലിയോടെ സന്ദര്‍ശനം ആരംഭിച്ചു. നാളെ ദിനാഗറില്‍ നടക്കുന്ന റാലിക്കു ശേഷം അമൃത്സര്‍ മണ്ഡലങ്ങളില്‍ പ്രചാരണം നടത്തും.