തലശ്ശേരി: സംസ്ഥാന സ്‌കൂള്‍ കലോത്സവത്തിലെ കോല്‍ക്കളി മത്സരത്തില്‍ ഫലം വന്നപ്പോള്‍ ആറാംസ്ഥാനത്തായിരുന്ന തലശ്ശേരി മുബാറക് ഹയര്‍ സെക്കന്‍ഡറി സ്‌കൂളിന് അപ്പീല്‍ നല്‍കിയതിനെത്തുടര്‍ന്ന് മികച്ച നേട്ടം. അപ്പീല്‍ കമ്മിറ്റി പരിഗണിച്ച അപ്പീലിലൂടെ കോല്‍ക്കളിയില്‍ രണ്ടാംസ്ഥാനമാണ് മുബാറക് സ്‌കൂളിന് ലഭിച്ചത്. മത്സരഫലത്തിനെതിരെ പരക്കെ പരാതി ഉയര്‍ന്നതിനെത്തുടര്‍ന്നാണ് സ്‌കൂള്‍ അധികൃതര്‍ അപ്പീല്‍ നല്‍കിയത്. 18 വര്‍ഷത്തോളമായി സംസ്ഥാന സ്‌കൂള്‍ കലോത്സവത്തിലെ കോല്‍ക്കളി മത്സരത്തില്‍ മുബാറക് ഹയര്‍ സെക്കന്‍ഡറി സ്‌കൂള്‍ ടീം പങ്കെടുക്കുന്നുണ്ട്.