മലപ്പുറം: 11നു കൂരിയാട്ട് നടക്കുന്ന സമസ്ത ആദര്‍ശ മഹാ സമ്മേളനത്തിന്റെ പ്രചാരണ ഭാഗമായി മലപ്പുറത്തു സാരഥി സംഗമം നടത്തി. സമസ്തയുടെയും കീഴ്ഘടങ്ങളുടെയും സാരഥികള്‍ പങ്കെടുത്ത സംഗമം സമ്മേളനം വിജയിപ്പിക്കുന്നതിനുള്ള പദ്ധതികള്‍ ആവിഷ്‌കരിച്ചു. പ്രചാരണ ഭാഗമായി ആറിനു രണ്ടു ലക്ഷം വീടുകളിലേക്കു ലഘുലേഖകള്‍ എത്തിക്കും.
എട്ട്, ഒന്‍പത് തിയതികളില്‍ മണ്ഡലം പ്രചാരണ ജാഥയും മഹല്ല് ബോധവല്‍ക്കരണ പരിപാടിയും നടത്തും. മലപ്പുറം സുന്നിമഹലില്‍ ശിഹാബ് തങ്ങള്‍ ഓഡിറ്റോറിയത്തില്‍ നടന്ന സംഗമം സമസ്ത ജില്ലാ ജനറല്‍ സെക്രട്ടറി പി. കുഞ്ഞാണി മുസ്‌ലിയാര്‍ ഉദ്ഘാടനം ചെയ്തു. സയ്യിദ് കെ.കെ.എസ് തങ്ങള്‍ വെട്ടിച്ചിറ അധ്യക്ഷനായി. പുത്തനഴി മൊയ്തീന്‍ ഫൈസി, യു. ശാഫി ഹാജി, അബ്ദുസമദ് പൂക്കോട്ടൂര്‍, കെ.ടി ഹുസൈന്‍കുട്ടി മൗലവി, അബ്ദുല്‍ ഖാദിര്‍ അല്‍ ഖാസിമി, സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി, സയ്യിദ് ബി.എസ്.കെ തങ്ങള്‍, സയ്യിദ് കുഞ്ഞിമോന്‍ ജിഫ്‌രി തങ്ങള്‍ കക്കാട്, സയ്യിദ് കെ.കെ.എസ് ബാപ്പുട്ടി തങ്ങള്‍, കാടാമ്പുഴ മൂസ ഹാജി, കാളാവ് സൈതലവി മുസ്‌ലിയാര്‍, ആനമങ്ങാട് മുഹമ്മദ്കുട്ടി ഫൈസി, പി.വി മുഹമ്മദ് മൗലവി, സി. അബ്ദുല്ല മൗലവി, സലീം എടക്കര, ശമീര്‍ ഫൈസി ഒടമല, ശാഫി മാസ്റ്റര്‍ ആലത്തിയൂര്‍, സി.കെ ഹിദായത്തുല്ലാഹ്, പി.കെ ലത്വീഫ് ഫൈസി, കെ.പി ചെറീത് ഹാജി, ഇസ്മാഈല്‍ ഹുദവി ചെമ്മാട്, നൗഷാദ് ചെട്ടിപ്പടി സംസാരിച്ചു.