വാഷിങ്ടണ്‍ ഡി.സി: വലിയ തലയും നീളമേറിയ താടിയെല്ലുമുണ്ടായിരുന്ന ഭീമാകരമായ നീര്‍നായയുടെ ഫോസില്‍ കണ്ടെത്തി. ചൈനയിലെ യുനാന്‍ പ്രവിശ്യയില്‍ നിന്നാണ് ഗവേഷകര്‍ നീര്‍നായയുടെ ഫോസില്‍ കണ്ടെത്തിയത്.

വലിയ കട്ടിയുള്ള താടിയെല്ലും നീളമേറിയ കവിള്‍തടവും കട്ടിയുള്ള പല്ലുമൊക്കെയുള്ളതായാണ് ഫോസില്‍ പരിശോധിച്ചപ്പോള്‍ മനസ്സിലായത്. 18 മില്യണ്‍ വര്‍ഷങ്ങള്‍ക്ക് മുന്‍പ് തായ്‌ലാന്‍ഡിലാണ് ഇത്തരം നീര്‍നായ്ക്കളെ കാണപ്പെട്ടതെന്നാണ് കരുതുന്നത്.

വെള്ളത്തില്‍ ജീവിക്കുന്ന ഒരു തരം സസ്തനിയാണ് നീര്‍നായ. വംശനാശം സംഭവിച്ചുപോകുന്ന ജീവി വര്‍ഗത്തില്‍പ്പെട്ട ഒരു വിഭാഗമാണ് ഇവ. ഇവയെക്കുറിച്ച് പഠനം നടത്തുന്ന ജന്തുശാസ്ത്ര വകുപ്പിലെ ഗവേഷകരാണ് പുതിയ ഫോസില്‍ കണ്ടെത്തിയിരിക്കുന്നത്.