കുറ്റ്യാടി: ആറ് വയസുകാരിയെ പീഡിപ്പിക്കാന്‍ ശ്രമിച്ചെന്ന പരാതിയില്‍ മധ്യവയസ്‌കന്‍ അറസ്റ്റില്‍. വേളം ചോയിമഠത്തില്‍ ആലക്കാട്ട് തറേമ്മല്‍ ചിന്നദുരൈ എന്ന ജയിംസ് (51)നെയാണ് കുറ്റ്യാടി പൊലിസ് അറസ്റ്റ് ചെയ്തത്. തമിഴ്‌നാട് സ്വദേശിയായ ഇയാള്‍ കഴിഞ്ഞ ആറ് വര്‍ഷമായി വേളത്ത് സ്ഥിരതാമസമാണ്. ഭാര്യയും കുട്ടിയുമുള്ള ഇയാള്‍ മൊബൈല്‍ ഫോണില്‍ അശ്ലീല ചിത്രങ്ങള്‍ കാണിച്ച് പീഡിപ്പിക്കാന്‍ ശ്രമിച്ചെന്നാണ് പരാതി. നാദാപുരം ജുഡീഷ്യല്‍ ഫസ്റ്റ്ക്ലാസ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.