കൊച്ചി: കുമ്പളം കായലില്‍ വീപ്പക്കുള്ളില്‍ മനുഷ്യഅസ്ഥികൂടം കണ്ടെത്തി. വീപ്പ കോണ്‍ക്രീറ്റ് ഇട്ടടച്ചശേഷം കായലില്‍ തള്ളിയ നിലയിലായിരുന്നു.

മൃതദേഹത്തിന് 10 മാസത്തെ പഴക്കമുള്ളതായി സംശിയിക്കുന്നതായി പൊലിസ് പറഞ്ഞു. മത്സ്യത്തൊഴിലാളികളാണ് വീപ്പ കരയ്‌ക്കെത്തിച്ചത്. പത്തുമാസം മുന്‍പ് ഈ വീപ്പ മത്സ്യത്തൊഴിലാളികളുടെ ശ്രദ്ധയില്‍ പെട്ടിരുന്നു. പിന്നീട് രണ്ടു മാസം മുന്‍പാണ് ഡ്രഡ്ജിങ്ങിനിടെ വീപ്പ കരയ്‌ക്കെത്തിച്ചത്.

ഇതിനുശേഷം വീപ്പയില്‍ നിന്ന് ദുര്‍ഗന്ധം വമിക്കുകയും ഉറുമ്പുകള്‍ എത്തുകയും ചെയ്തതോടെ പൊലിസിന്റെ നേതൃത്വത്തില്‍ വീപ്പ പൊളിച്ച് പരിശോധന നടത്തുകയായിരുന്നു. പൊലിസ് കേസെടുത്ത് അന്വേഷണം ആരംഭിച്ചു.