ദോഹ: മുസ്‌ലിം ലീഗ് നേതാവ് ഇ അഹമ്മദിന്റെ നമസ്‌കാരത്തില്‍ പങ്കെടുക്കാന്‍ നിരവധി പേര്‍ കൊടും തണുപ്പ് വകവെക്കാതെ സൂഖിലെ ഫാനാറിലെത്തി. ശൈഖ് അബ്ദുല്ലാ ബിന്‍ സൈദ് ഇസ്‌ലാമിക് കള്‍ച്ചറല്‍ സെന്റര്‍ പള്ളിയില്‍ നടന്ന മയ്യിത്ത് നമസ്‌കാരത്തിനു ശേഷം നടന്ന അനുസ്മരണ ചടങ്ങില്‍ ഖത്തറിലെ വിവിധ ഇന്ത്യന്‍ സംഘടനകളുടെ പ്രതിനിധികളും സാമൂഹിക സാംസ്‌കാരിക മത വാണിജ്യ രംഗത്തെ പ്രമുഖരും ഇന്ത്യന്‍ അംബാസിഡറും പങ്കെടുത്തു. 

ലോകാടിസ്ഥാനത്തില്‍ തന്നെ വിപുലമായ ബന്ധങ്ങളും സൗഹൃദവുണ്ടായിരുന്ന അഹ്മദ് സാഹിബുമായി ഏറെ അടുത്ത വ്യക്തിബന്ധമായിരുന്നുവെന്ന് അംബാസിഡര്‍ പി. കുമാരന്‍ വ്യക്തമാക്കി. കെ എം സി സി പ്രസിഡന്റ് എ എം ബഷീര്‍ അധ്യക്ഷത വഹിച്ചു. ഇന്‍കാസ് പ്രസിഡന്റ് കെ കെ ഉസ്മാന്‍,സംസ്‌കൃതി പ്രസിഡന്റ് അബ്ദുല്‍ജലീല്‍, ഐ സി ബി എഫ് പ്രസിഡന്റ് ഡേവിസ് എടക്കുളത്തൂര്‍, ചന്ദ്രിക ഖത്തര്‍ ഗവേണിംഗ് ബോര്‍ഡ് അംഗം കെ സൈനുല്‍ആബിദീന്‍,തമിഴ്‌നാട് ഖാഇദെമില്ലത്ത് ഫോറം പ്രസിഡന്റ് മുഹമ്മദ് ഹബീബ്, ഐ സി ബി എഫ് വൈസ് പ്രസിഡന്റ് പി എന്‍ ബാബുരാജന്‍, ഇന്ത്യന്‍ ഇസ്‌ലാമിക് അസോസിയേഷന്‍ പ്രതിനിധി അബ്ദുസ്സലാം, കേരളാ ഇസ്‌ലാമിക് സെന്റര്‍ ജനറല്‍സെക്രട്ടറി ഇസ്മാഈല്‍ ഹുദവി, ഇന്ത്യന്‍ ഇസ്‌ലാഹീ സെന്റര്‍ ജനറല്‍സെക്രട്ടറി സിറാജ് ഇരിട്ടി, യൂണിറ്റി ഖത്തര്‍ ചെയര്‍മാന്‍ ശംസുദ്ദീന്‍ ഒളകര, ഐ എം സി സി പ്രസിഡന്റ് എം എം മൗലവി,ദ്രാവിഡ മുന്നേറ്റ കഴകം പ്രവാസി പ്രതിനിധികളായ സദഖത്തുള്ള, റഹ്മത്തുള്ള, ഐഡിയല്‍ ഇന്ത്യന്‍ സ്‌കൂള്‍ പ്രസിഡന്റ് എം പി ഹസ്സന്‍കുഞ്ഞി എന്നിവര്‍ സംസാരിച്ചു. സംസ്ഥാന ആക്ടിംഗ് ജനറല്‍ സെക്രട്ടറി സലീം നാലകത്ത് സ്വാഗതവും സെക്രട്ടറി ജാഫര്‍ തയ്യില്‍ നന്ദിയും പറഞ്ഞു. ഇര്‍ഷാദുല്‍ഹസ്സന്‍ ഖുര്‍ആന്‍ പാരായണം ചെയ്തു.