HOME
DETAILS

ആശാനാണ് താരം...

  
backup
January 09 2018 | 23:01 PM

%e0%b4%86%e0%b4%b6%e0%b4%be%e0%b4%a8%e0%b4%be%e0%b4%a3%e0%b5%8d-%e0%b4%a4%e0%b4%be%e0%b4%b0%e0%b4%82

തൃശൂര്‍: ചന്ദനം വേദിക്കിന്ന് ചന്തം ചാര്‍ത്തിയത് യുദ്ധമുഖത്തു കാണുന്ന തന്ത്രങ്ങളുടെ കലാരൂപമായ പരിചമുട്ട്. ഉയര്‍ന്നും താഴ്ന്നും കുതിച്ചുചാടിയും പിന്‍വാങ്ങിയും വാളുകൊണ്ട് വെട്ടിയും പരിചകൊണ്ട് തടുത്തുമെല്ലാം പൂര്‍ണാഭ്യാസികളെ പോലെ മത്സരാര്‍ഥികള്‍ തട്ടില്‍ തകര്‍ത്താടി. ആവേശത്താല്‍ സദസിലിരുന്ന് കാണികളും. 

ഇക്കൂട്ടത്തില്‍ കളിവൃത്തത്തിന് പുറത്തുനിന്നുമുള്ള ആശാനാണ് നമ്മുടെ താരം. കോട്ടയംകാരന്‍ സുനില്‍ എബ്രഹാം. ഇത്തവണത്തെ കേരള സ്‌കൂള്‍ കലോത്സവത്തില്‍ ഒന്നും രണ്ടുമല്ല 25 സ്‌കൂളുകളില്‍ നിന്നുള്ള വിദ്യാര്‍ഥികളെയാണ് ഈ ആശാന്‍ അരങ്ങിലെത്തിച്ചിരിക്കുന്നത്.
അഞ്ചാം വയസ്സില്‍ ഹരിശ്രീ കുറിച്ചതാണ് മുട്ടിലും വെട്ടിലും. പിന്നീടങ്ങോട്ട് മറ്റൊരു ജീവിതോപാധി പോലും വേണ്ടെന്ന് വച്ച് പരിചമുട്ടിനെ ജീവതാളമായി സ്വീകരിക്കുകയായിരുന്നു ഈ കലാസ്‌നേഹി. വാളിന്റെയും പരിചയുടെയും അകമ്പടിയോടെ, സംഗീതത്തിന്റെയും നൃത്തവിന്യാസങ്ങളുടെയും മേമ്പൊടിയോടെ ചിട്ടപ്പെടുത്തിയ ഈ കലാരൂപം ജനഹൃദയങ്ങളില്‍ പരിചിതമാക്കുന്നതിന് കൈരളിയുടെ മുക്കുമൂലകളിലേക്ക് സഞ്ചരിച്ചുകൊണ്ടിരിക്കുകയാണ് ഈ 36കാരന്‍. ഈ ചെറുപ്രായത്തിനിടെ ആയിരക്കണക്കിന് ശിഷ്യന്മാരെ അങ്കത്തട്ടിലെത്തിച്ചെങ്കിലും വിശ്രമിക്കാന്‍ തയാറല്ല ഈ അഭ്യാസി. ആവും വരെ ഈ കലാരൂപത്തെ ജനകീയമാക്കാനുള്ള പ്രവര്‍ത്തനങ്ങളുമായി മുന്നോട്ട് പോകാനുള്ള തീരുമാനത്തിലാണിദ്ദേഹം.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."