ന്യൂഡല്‍ഹി: മുഖ്യമന്ത്രിയായ ശേഷം ആദ്യമായി ഡല്‍ഹിയിലെത്തിയ പിണറായി വിജയനെ മുന്നില്‍നിന്നു നയിച്ചത് കൈരളി ചാനല്‍ എം.ഡി ജോണ്‍ ബ്രിട്ടാസ്. ഉപരാഷ്ട്രപതി ഹാമിദ് അന്‍സാരിയുമായുള്ള കൂടിക്കാഴ്ചയ്ക്കു പുറപ്പെടുമ്പോള്‍ പ്രിന്‍സിപ്പല്‍ സെക്രട്ടറി നളിനി നെറ്റോയെ മാറ്റിനിര്‍ത്തിയാണ് ബ്രിട്ടാസ് മുഖ്യമന്ത്രിയുടെ കാറില്‍ കയറിയത്.
ചീഫ് സെക്രട്ടറിയും പ്രിന്‍സിപ്പല്‍ സെക്രട്ടറിയുമടക്കമുള്ളവര്‍ പിന്നീട് മറ്റൊരു വാഹനത്തില്‍ പിന്തുടരുകയായിരുന്നു. ധനമന്ത്രി അരുണ്‍ ജെയ്റ്റ്‌ലിയുടെ വസതിയിലെത്തിയപ്പോഴും പിണറായിയുടെ കൂടെ ബ്രിട്ടാസുണ്ടായിരുന്നു. സര്‍ക്കാരിന്റെ ഔദ്യോഗിക സ്ഥാനങ്ങളിലൊന്നുമില്ലാത്ത ബ്രിട്ടാസിന്റെ ഡല്‍ഹിയിലെ സാന്നിധ്യം ഇതിനകം ചര്‍ച്ചയായിട്ടുണ്ട്.