കോതമംഗലം: ഓടക്കാലിയിലെ ഇതര സംസ്ഥാന തൊഴിലാളി ക്യാംപില്‍ ഭക്ഷ്യവിഷബാധ 22 പേരെ ആശുപത്രിയില്‍ പ്രവേശിപ്പിച്ചു. ഭക്ഷ്യ വിഷബാധയെ തുടര്‍ന്ന് വയറിളക്കവും ദേഹാസ്വാസ്ത്യം അനുഭവപ്പെട്ട ആസം സ്വദേശികളായ തൊഴിലാളികളെ കഴിഞ്ഞ തിങ്കളാഴ്ച രാവിലെ കോതമംഗലം താലൂക്ക് ആശൂപത്രിയില്‍ പ്രവേശിപ്പിച്ചത്.
എന്നാല്‍ സംഭവം പുറത്തറിയുന്നത് ഇന്നലെയാണ്. കഴിഞ്ഞ വെള്ളിയാഴ്ച രാത്രിയില്‍ കഴിച്ച മീന്‍ കറിയില്‍ നിന്നുമാണ് ഭക്ഷ്യവിഷബാധയേറ്റതെന്ന് സംശയിക്കുന്നത്. നാട്ടില്‍ കറിയില്‍ ഉപയോഗിക്കുന്നതിന് സമാനമായ ഇല ക്വാര്‍ട്ടേഴ്‌സ് പരിസരത്ത് നിന്നും ഉപയോഗിച്ചു എന്നാണ് തൊഴിലാളികള്‍ വ്യക്തമാക്കുന്നത്. ആരുടെയും നില ഗുരുതരമല്ലെന്ന് ആശൂപത്രി വൃത്തങ്ങള്‍ പറഞ്ഞു.