ഹോംവര്ക്ക് ചെയ്തില്ല; പ്രിന്സിപ്പല് വിദ്യാര്ഥിനികളെ അര്ധനഗ്നരായി ഓടിച്ചു
ലഖ്നോ: ഹോം വര്ക്ക് ചെയ്യാത്തതിന് പ്രിന്സിപ്പല് വിദ്യാര്ഥിനികളെ അര്ധനഗ്നരാക്കി ഓടിച്ചു. കിഴക്കന് ഉത്തര്പ്രദേശിലെ സോന്ഭദ്രയിലെ ഇലക്ട്രിസിറ്റി ബോര്ഡ് ജൂനിയര് ഹൈസ്കൂളിലാണു സംഭവം.എട്ടാം ക്ലാസ് വിദ്യാര്ഥിനികളോട് പ്രിന്സിപ്പല് മീനാസിങ് സംസ്കൃത ശ്ലോകങ്ങള് മനഃപാഠമാക്കാന് നിര്ദേശിച്ചിരുന്നു. പൂര്ണമായി മനഃപാഠമാക്കാതെയെത്തിയ 15 വിദ്യാര്ഥിനികള്ക്കു ആദ്യം ശിക്ഷയായി ഏത്തമിടാന് കല്പിച്ചു. തുടര്ന്ന് അടിവസ്ത്രം അഴിച്ച് അര്ധനഗ്നകളായി ഗ്രൗണ്ടിലൂടെ രണ്ടുമണിക്കൂര് ഓടിക്കുകയായിരുന്നു. ഓടുന്ന ചിത്രം മൊബൈലില് പകര്ത്തിയ അധ്യാപിക ഹോം വര്ക്ക് പൂര്ത്തിയാക്കിയില്ലെങ്കില് വിഡിയോ പുറത്തുവിടുമെന്നും ഭീഷണിപ്പെടുത്തി.
വിദ്യാര്ഥിനികള് രക്ഷിതാക്കളോടു പറഞ്ഞതോടെയാണു സംഭവം വിവാദമായത്. രക്ഷിതാക്കള് പ്രതിഷേധവുമായെത്തിയപ്പോള് ആരോപണം നിരസിച്ച അധ്യാപിക താന് കുട്ടികളോട് ശ്ലോകങ്ങള് പാരായണം ചെയ്യാന് ആവശ്യപ്പെടുക മാത്രമാണു ചെയ്തതെന്നു പ്രതികരിച്ചു. രക്ഷിതാക്കളുടെ പ്രതിഷേധത്തെ തുടര്ന്ന് മീനാ സിങ്ങിനെ സ്ഥാപനത്തില്നിന്നു പുറത്താക്കി.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."