ട്രിപ്പോളി: ലിബിയയുടെ തലസ്ഥാനമായ ട്രിപ്പോളിയിലെ മിറ്റിഗ വിമാനത്താവളത്തില്‍ ഇരു സൈനിക വിഭാഗങ്ങള്‍ തമ്മിലുണ്ടായ ഏറ്റുമുട്ടലില്‍ ഒന്‍പതുപേര്‍ മരിച്ചു.
രാജ്യത്തെ തന്നെ ഇരു സൈനികവിഭാഗങ്ങള്‍ തമ്മില്‍ നടത്തിയ ആക്രമണത്തിലാണ് മരണം. വിമാനത്താവള ആസ്ഥാനമായുള്ള പ്രത്യേക പ്രതിരോധസേനയും തജൂറയില്‍നിന്നുള്ള ബ്രിഗേഡ് 33യും തമ്മിലായിരുന്നു ഏറ്റുമുട്ടല്‍.
അഞ്ചുപേര്‍ മിറ്റിഗ ആശുപത്രിയില്‍ വച്ചും നാലുപേര്‍ തജൂറ ആുപത്രിയില്‍ വച്ചുമാണു മരിച്ചത്. അതേസമയം പരുക്കേറ്റവരുടെ എണ്ണം വ്യക്തമല്ലെന്ന് ലിബിയന്‍ ആരോഗ്യമന്ത്രാലയം അറിയിച്ചു. ട്രിപ്പോളിക്ക് 30 കിലോമീറ്റര്‍ അകലെ തജൂറയിലാണു സംഭവം.