പയ്യന്നൂര്‍: ഏഴിമല നാവിക അക്കാദമിയില്‍ നിന്നു പുറത്താക്കിയതില്‍ പ്രതിഷേധിച്ച് കരാര്‍ തൊഴിലാളികള്‍ നാവല്‍ അക്കാദമി ഗേറ്റ് ഉപരോധിച്ചു.
അക്കാദമിയിലെ ശുചീകരണ പ്രവൃത്തി ഏറ്റെടുത്ത് നടത്തുന്ന എസ്.ആര്‍ വെഞ്ചേര്‍സ് കരാര്‍ കമ്പനിയിലെ പത്തോളം സ്ത്രീ തൊഴിലാളികളെ ചൊവ്വാഴ്ച വൈകുന്നേരമാണ് അകാരണമായി അധികൃതര്‍ പുറത്താക്കിയത്.
അക്കാദമിക്ക് അകത്തേക്ക് പ്രവേശിക്കാനുള്ള പാസ് വാങ്ങി ജോലിക്ക് വരേണ്ടെന്ന് അറിയിച്ചത്രെ. ഇതില്‍ പ്രതിഷേധിച്ച് ഇന്നലെ രാവിലെ എട്ടോടെയാണ് നേവല്‍ കണ്‍സ്ട്രക്ഷന്‍സ് യൂനിയന്റെ നേതൃത്വത്തില്‍ തൊഴിലാളികള്‍ ഉപരോധം തീര്‍ത്തത്. യൂനിയന്‍ നേതാക്കളുമായി കമാന്‍ഡിങ് ഓഫിസര്‍ ചര്‍ച്ച നടത്തി തൊഴിലാളികളെ ജോലിയില്‍ തിരിച്ചെടുക്കാന്‍ തീരുമാനമായതോടെ ഉപരോധം അവസാനിപ്പിച്ചു.