അമേരിക്കന്‍ ശാസ്ത്രമേഖലയിലെ തൊഴില്‍രംഗത്ത് പ്രിയം രസതന്ത്രത്തോട്. ലിംഗ വിവേചനമില്ലാതെ തുല്യ ശമ്പളം ലഭിക്കുന്നുവെന്നതാണ് ഈ പ്രിയത്തിന് പ്രധാന കാരണം. യു.എസ് നാഷണല്‍ സയന്‍സ് ഫൗണ്ടേഷന്റെ പുതിയ കണക്കിലാണ് ഇക്കാര്യം വ്യക്തമാക്കുന്നത്.

രസതന്ത്രത്തില്‍ ഡോക്ടറേറ്റ് നേടുന്ന 60 ശതമാനത്തില്‍ അധികം പേരും പുരുഷന്മാരാണെങ്കിലും, ഈ മേഖലയില്‍ ജോലി കണ്ടെത്തുന്നതില്‍ പുരുഷന്മാരും സ്ത്രീകളും തുല്യരാണ്.

മുഴുവന്‍ സയന്‍സ് വിഷയങ്ങളിലും എന്‍ഞ്ചിനീയറിങ് മേഖലയിലും വാര്‍ഷിക ശമ്പള കണക്ക് പരിശോധിക്കുമ്പോള്‍ പ്രത്യേക ഡിഗ്രി തല സ്ഥിര തസ്തികളിലെ പുരുഷന്മാര്‍ക്ക് 92,000 അമേരിക്കന്‍ ഡോളര്‍ നല്‍കുമ്പോള്‍ സ്ത്രീകള്‍ക്ക് 74,000 ഡോളറാണ് ലഭിക്കുന്നത്. ഈ മേഖലയില്‍ 20 ശതമാനം ലിംഗ വ്യത്യാസം കാണിക്കുന്നു.

തുടരാന്നാഗ്രഹിക്കുന്ന എല്ലാ സയന്‍സ്, എഞ്ചിനിയറിങ് ഡോക്ടറേറ്റുകള്‍ക്കും പുരുഷന്‍മാര്‍ക്കും 45,000 അമേരിക്കന്‍ ഡോളറും, സ്ത്രീകള്‍ക്ക് 43,625 യു.എസ് ഡോളറുമാണ് നല്‍കുന്നത്.

എന്നാല്‍, രസതന്ത്രത്തില്‍ ഡോക്ടറേറ്റ് ലഭിക്കുന്നവര്‍ക്ക് ലഭിക്കുന്ന ശമ്പളത്തിലും ആണ്‍-പെണ്‍ വ്യത്യാസം വല്ലാതെയില്ല. പുരുഷന്മാര്‍ 86,500 ഡോളര്‍ വാങ്ങുമ്പോള്‍ സ്ത്രീകള്‍ക്ക് 83,00 ഡോളര്‍ ലഭിക്കുന്നുണ്ട്. നാലു ശതമാനത്തിന്റെ വ്യത്യാസം മാത്രമാണുള്ളത്.

പൗരന്മാര്‍ക്കാണ് യു.എസില്‍ വിദേശികളേക്കാള്‍ ഭൗമ, ഭൗതിക ശാസ്ത്രങ്ങളില്‍ കൂടുതല്‍ ഡോക്ടറേറ്റ് നേടാനായതെന്നും കണക്കില്‍ പറയുന്നു. 58 ശതമാനം പേരും യു.എസ് പൗരന്മാരോ സ്ഥിര താമസക്കാരോ ആണ്. ഡോക്ടറേറ്റ് നേടുന്നവരില്‍ 37 ശതമാനം മാത്രമാണ് താല്‍ക്കാലിക വിസയില്‍ എത്തുന്നവര്‍.