പെരിങ്ങത്തൂര്‍: പാണക്കാട് സയ്യിദ് ഹൈദരലി ശിഹാബ് തങ്ങളുടെ നിര്‍ദേശ പ്രകാരം കേരളത്തിലും ഇതര സംസ്ഥാനങ്ങളിലും തുടര്‍ന്നു വരുന്ന മജ്‌ലിസുന്നൂര്‍ ആത്മീയ സദസ് അറബ് രാജ്യങ്ങള്‍ക്കു പുറമെ ആഫ്രിക്കന്‍ രാജ്യങ്ങളിലേക്കും വ്യാപിച്ചതായി കോഴിക്കോട് വലിയ ഖാസിയും എസ്.വൈ.എസ് സംസ്ഥാന ജനറല്‍ സിക്രട്ടറിയുമായ സയ്യിദ് ജമലുല്ലൈലി തങ്ങള്‍ പറഞ്ഞു.
പെരിങ്ങത്തൂര്‍ ഒലിപ്പില്‍ മജ്‌ലിസുന്നൂര്‍ വാര്‍ഷികം ഉദ്ഘാടനം ചെയ്തു സംസാരിക്കുകയായിരുന്നു തങ്ങള്‍.
ഖുര്‍ആന്‍ മന:പാഠമാക്കിയ മാജിദ് ഉമര്‍ എന്‍.എ, മുഹമ്മദ് പോക്കറവിട എന്നീ വിദ്യാര്‍ഥികളെ തങ്ങള്‍ അനുമോദിച്ചു. കെ.എന്‍ മമ്മു ഹാജി അധ്യക്ഷനായി. ആബിദ് റഹ്മാനി പ്രഭാഷണം നടത്തി.