വൈക്കം: നഗരസഭ കൃഷിഭവന്റെ ആഭിമുഖ്യത്തില്‍ ജൈവപച്ചക്കറി വിപണന കേന്ദ്രം പ്രവര്‍ത്തനം ആരംഭിച്ചു.
ബോട്ട്‌ജെട്ടിക്ക് സമീപം സത്യഗ്രഹ സ്മാരക മന്ദിരത്തിനു മുന്നിലായിട്ടാണ് സ്റ്റാള്‍ പ്രവര്‍ത്തിക്കുക. വൈക്കത്തെ കര്‍ഷകര്‍ ഉല്‍പാദിപ്പിക്കുന്ന ജൈവപച്ചക്കറികള്‍ ഇവിടെ വിറ്റഴിക്കാം. കര്‍ഷകര്‍ക്ക് ന്യായവില നല്‍കാനും പൊതുജനങ്ങള്‍ക്ക് മിതമായ വിലയ്ക്ക് പച്ചക്കറി ലഭ്യമാക്കാനുമാണ് കേന്ദ്രത്തിലൂടെ ഉദ്ദേശിക്കുന്നത്. സ്റ്റാന്റിംഗ് കമ്മിറ്റി ചെയര്‍മാന്‍ പി.ശശിധരന്‍ അധ്യക്ഷത വഹിച്ച ചടങ്ങില്‍ നഗരസഭ ചെയര്‍മാന്‍ എന്‍.അനില്‍ ബിശ്വാസ് വിപണന കേന്ദ്രത്തിന്റെ ഉദ്ഘാടനം നിര്‍വഹിച്ചു.
സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ഇന്ദിരാദേവി, കൃഷി ഡപ്യൂട്ടി ഡയറക്ടര്‍മാരായ ലീലാമ്മ ഉമ്മന്‍, ഡോ.മഞ്ജു സെബാസ്റ്റ്യന്‍, ജയമണി, കൃഷി ഓഫീസര്‍ പി.എസ് സലിമോന്‍, മെയ്‌സണ്‍ മുരളി, വേണു കടമ്മാട്ട്, കെ.വി പവിത്രന്‍ എന്നിവര്‍ പ്രസംഗിച്ചു. എല്ലാ ബുധനാഴ്ചയും വൈകുന്നേരം നാല് മുതല്‍ ഏഴ് വരെയാണ് വിപണനകേന്ദ്രം പ്രവര്‍ത്തിക്കുന്നത്. ഫോണ്‍: 9496450524.