വടകര: ഇടതുഭരണത്തില്‍ സംസ്ഥാനത്ത് വലിയ തോതിലുള്ള അരാജകത്വമാണ് നിലനില്‍ക്കുന്നതെന്ന് മുല്ലപ്പള്ളി രാമചന്ദ്രന്‍ എം.പി. എം.കെ മുനീര്‍ എം.എല്‍.എ നയിക്കുന്ന യു.ഡി.എഫ് മേഖലാ ജാഥക്ക് വടകര കോട്ടപ്പറമ്പില്‍ നല്‍കിയ സ്വീകരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സംസ്ഥാനത്ത് ഭരണമില്ലാത്ത അവസ്ഥയാണ് ഇപ്പോള്‍ നിലനില്‍ക്കുന്നത്. എല്ലാം ശരിയാക്കുമെന്ന് പറഞ്ഞ് അധികാരത്തിലെത്തിയവര്‍ ഭരണ സ്തംഭനമാണ് സൃഷ്ടിച്ചിരിക്കുന്നത്. ഐ.എ.എസ് ഉദ്യോഗസ്ഥര്‍ നല്‍കുന്ന ഫയലുകള്‍ മന്ത്രിമാര്‍ കെട്ടിപ്പൂട്ടിവയ്ക്കുകയാണ്. ഇന്ത്യ കണ്ട മികച്ച രാഷ്ട്രീയ നേതാവായ ഇ. അഹമ്മദ് മരിച്ചപ്പോള്‍ ഒരു പ്രസ്താവന നടത്താന്‍ പോലും പ്രധാനമന്ത്രി തയാറായില്ല. ഫാസിസം മരണക്കിടക്കയില്‍ പോലും കടന്നു ചെല്ലാന്‍ മടിക്കാത്ത കാലത്താണ് നാം ജീവിക്കുന്നതെന്നും അദ്ദേഹം പറഞ്ഞു.
മോദി ഗവ. കൊണ്ടുവന്ന നോട്ട് നിരോധനം കാരണം ഇന്ത്യന്‍ സാമ്പത്തിക രംഗം ഇപ്പോഴും വെല്ലുവിളി നേരിട്ടു കൊണ്ടിരിക്കുകയാണെന്ന് സ്വീകരണത്തിന് നന്ദി പറഞ്ഞ് ജാഥാ ക്യാപ്റ്റന്‍ എം.കെ മുനീര്‍ എം.എല്‍.എ പറഞ്ഞു.
അഡ്വ സിയ വത്സലന്‍ അധ്യക്ഷനായി.
പുത്തൂര്‍ അസീസ് സ്വാഗതം പറഞ്ഞു.
ടി. സിദ്ദീഖ്, സി. മോയിന്‍കുട്ടി, അഡ്വ. പി. ശങ്കരന്‍, ഉമ്മര്‍പാണ്ടികശാല, പാറക്കല്‍ അബ്ദുല്ല എം.എല്‍.എ, മനയത്ത് ചന്ദ്രന്‍, എന്‍.സി അബൂബക്കര്‍, എ.പി അനില്‍കുമാര്‍, എം.എ റസാഖ് മാസ്റ്റര്‍, സി. സുബ്രഹ്മണ്യന്‍, വി. കുഞ്ഞാലി, കെ.സി അബു, അഡ്വ. ഐ. മൂസ, ബി.കെ തിരുവോത്ത്, കെ. ശങ്കരന്‍, എസ്.പി കുഞ്ഞമ്മദ്, എ.ടി ശ്രീധരന്‍, ഒ.കെ കുഞ്ഞബ്ദുല്ല, പ്രദീപ് ചോമ്പാല, മുസ്തഫ മുട്ടുങ്ങല്‍, ഒ.കെ ഇബ്രാഹിം, ഷുഹൈബ് കുന്നത്ത്, അഫ്‌നാസ് ചോറോട് സംസാരിച്ചു.