ബെയ്ജിങ്: ഇന്ത്യ ഉള്‍പ്പെടെയുള്ള അയല്‍രാജ്യങ്ങളുമായി നല്ല ബന്ധവും സൗഹൃദവും ആഗ്രഹിക്കുന്നുവെന്ന് ചൈനീസ് വിദേശകാര്യ മന്ത്രി വാങ് യീ. എന്നാല്‍, ഇത് രാജ്യത്തിന്റെ പരമാധികാരത്തില്‍ വിട്ടുവീഴ്ച ചെയ്തുകൊണ്ടാകില്ലെന്നും വാങ് യീ പറഞ്ഞു.
ചൈന ഇന്‍സ്റ്റിറ്റ്യൂട്ട് ഓഫ് ഇന്റര്‍നാഷനല്‍ സ്റ്റഡീസിനു കീഴില്‍ പുറത്തിറങ്ങുന്ന 'ചൈനീസ് ഇന്റര്‍നാഷനല്‍ സ്റ്റഡീസ് ' ജേണലില്‍ എഴുതിയ ലേഖനത്തിലാണ് ചൈനീസ് വിദേശകാര്യ മന്ത്രി നിലപാട് വ്യക്തമാക്കിയത്. കഴിഞ്ഞ ഒരു വര്‍ഷത്തിനിടെ ലോകരാജ്യങ്ങളുമായി ചൈന പുലര്‍ത്തിയ നയതന്ത്രബന്ധത്തെ കുറിച്ചും സമീപനത്തെ കുറിച്ചും വിശദീകരിച്ചാണ് വാങ് യീ ലേഖനം തയാറാക്കിയിരിക്കുന്നത്. ദോക്‌ലാമില്‍നിന്ന് ഇന്ത്യ സൈന്യത്തെ പിന്‍വലിച്ചത് ചൈനയുടെ നയതന്ത്ര നീക്കത്തിന്റെ വിജയമാണെന്നും ലേഖനത്തില്‍ അവകാശപ്പെടുന്നുണ്ട്.