കരുനാഗപ്പള്ളി: ലാലാജി ജങ്ഷനിലെ ബിവറേജ് മദ്യവില്‍പനശാല ജനവാസകേന്ദ്രമായ തറയില്‍ മുക്കിലേക്ക് മാറ്റി സ്ഥാപിക്കുന്നതിനെതിരേ ആക്ഷന്‍ കൗണ്‍സിലിന്റെ നേതൃത്വത്തില്‍ നടക്കുന്ന ജനകീയ സമരം 17ാം ദിവസം പിന്നിടുമ്പോള്‍ പ്രദേശത്തെ സ്ത്രീകളും കുട്ടികളും പിന്തുണയുമായി രംഗത്തെത്തി. എസ്.യു.സി.ഐ, എസ്.ടി.പി.ഐ തുടങ്ങിയ സംഘടനകള്‍ ജാഥയായി വന്ന് സമരത്തിന് ഐക്യദാര്‍ഢ്യം പ്രഖ്യാപിച്ചു. കണ്‍സ്യൂമര്‍ കൗണ്‍സില്‍ സംസ്ഥാന പ്രസിഡന്റ് എം.മൈതീന്‍കുഞ്ഞ് സമ്മേളനം ഉദ്ഘാടനം ചെയ്തു.
ആക്ഷന്‍ കൗണ്‍സില്‍ ചെയര്‍മാന്‍ എം.കെ.വിജയഭാനു അധ്യക്ഷത വഹിച്ചു. ബി.മോഹന്‍ ഐ.എ.എസ്, മുനമ്പത്ത് ഷിഹാബ്, കമറുദ്ദീന്‍ മുസ്‌ലിയാര്‍, കാട്ടൂര്‍ ബഷീര്‍, ബി.വേണുകുമാര്‍, കൗണ്‍സിലര്‍മാരായ മോഹന്‍കുമാര്‍, ഉണ്ണികൃഷ്ണന്‍, എസ്.യു.സി.ഐ പ്രതിനിധി ട്വിങ്കിള്‍, നാസര്‍ കുരുടന്റയ്യത്ത്, മുഹമ്മദ് ബഷീര്‍ പ്രസംഗിച്ചു.