ന്യൂഡല്‍ഹി: റാഫേല്‍ യുദ്ധവിമാന ഇടപാടില്‍ കേന്ദ്ര സര്‍ക്കാരിനെതിരേയും മാധ്യമങ്ങള്‍ക്കെതിരേയും കടുത്ത വിമര്‍ശനവുമായി രാഹുല്‍ ഗാന്ധി. ചോദ്യങ്ങളുയര്‍ത്തുന്നവരെ സര്‍ക്കാര്‍ ദേശവിരുദ്ധരായി മുദ്രകുത്തുകയാണ്. ഇടപാടില്‍ അഴിമതി ഉള്ളതുകൊണ്ടാണ് സര്‍ക്കാര്‍ വിവരങ്ങള്‍ വെളിപ്പെടുത്താത്തതെന്നും അദ്ദേഹം ആരോപിച്ചു. റാഫേല്‍ ഇടപാട് രാജ്യത്തിന്റെ രഹസ്യമാണെന്ന നിര്‍മല സീതാരാമന്റെ വാദത്തെയും രാഹുല്‍ പരിഹസിച്ചു. ഇടപാടു സംബന്ധിച്ച വ്യക്തമായ വിവരങ്ങള്‍ മാധ്യമങ്ങള്‍ പുറത്തുകൊണ്ടുവരാത്തത് നട്ടെല്ലില്ലാത്തതുകൊണ്ടാണെന്നും അദ്ദേഹം പറഞ്ഞു.
വ്യോമസേനക്കുവേണ്ടിയാണ് 36 റാഫേല്‍ യുദ്ധവിമാനങ്ങള്‍ വാങ്ങിക്കാന്‍ കരാറുണ്ടാക്കിയത്.