കൊളത്തൂര്‍: കാരാട്ടുപറമ്പിന്റെയും പരിച്ചേക്കുഴിയുടേയും ഇടയിലെ നിരന്ന പ്രദേശമായ വട്ടപ്പറമ്പിന്റെ മുകളില്‍ തീ പടര്‍ന്നു. ഇന്നലെ വൈകീട്ട് ആറോടെ തുടങ്ങിയ തീ വൈകീട്ട് എട്ട് മണിയോടെയും അണക്കാന്‍ സാധിച്ചില്ല.
അഗ്നിശമന സേനാ പ്രവര്‍ത്തകരെ വിവരമറിയിച്ചെങ്കിലും വാഹനം കടന്നു പോകുവാന്‍ സാധിക്കാത്തതിനാല്‍ സമീപവാസിയായ നാട്ടുകാരാണ് രക്ഷാപ്രവര്‍ത്തനങ്ങള്‍ക്ക് നേതൃത്വം നല്‍കിയത്. രാത്രി ഒന്‍പതോടെ മറ്റൊരുവഴിയിലൂടെ സ്ഥലത്തെത്തിയ അഗ്നിശമനസേനയുടെ നേതൃത്വത്തില്‍ തീ പൂര്‍ണമായും അണച്ചു.പന്ത്രണ്ട് ഏക്കറോളം സ്ഥലം പൂര്‍ണമായും കത്തിനശിച്ചു.