കൊട്ടാരക്കര: സ്‌കൂള്‍ ബസുകളുടെ കാര്യക്ഷമതാ സ്ഥിതി പരിശോധനയ്ക്ക് മോട്ടോര്‍ വാഹന വകുപ്പ് നടപടി തുടങ്ങി. കൊട്ടാരക്കര ജോ. ആര്‍.ടി.ഒ  ഡി. മഹേഷിന്റെ നിര്‍ദ്ദേശാനുസരണം വെഹിക്കിള്‍ ഇന്‍സ്പക്ടര്‍ സുനില്‍ ചന്ദ്രന്റെ നേതൃത്വത്തിലാണ് മേഖലയിലെ ബസുകള്‍ പരിശോധിക്കുന്നത്. അവധിക്കാലത്ത് സര്‍വ്വീസ് നടത്താത്ത ബസുകള്‍ സ്‌കൂള്‍ തുറക്കുമ്പോള്‍ സര്‍വ്വീസ് തുടങ്ങുമ്പോള്‍ അതിന്റെ കാര്യക്ഷമത പരിശോധിച്ചില്ലെങ്കില്‍ അപകട സാധ്യതയുണ്ടെന്ന വിലയിരുത്തതിലാണ് പരിശോധന കര്‍ശനമാക്കിയത്. വാഹനങ്ങളും ആര്‍.സി ബുക്കും മറ്റ് രേഖകളുമടക്കം ജോ. ആര്‍.ടി ഓഫീസിന്റെ വാഹന പരിശോധനാ സ്ഥലത്തെത്തി പരിശോധനയ്ക്ക് വിധേയമാക്കിയ ശേഷമേ സ്‌കൂള്‍ കുട്ടികളെ കൊണ്ടുപോകാന്‍ ഉപയോഗിക്കാവൂവെന്ന് അധികൃതര്‍ അറിയിച്ചു.