ന്യൂഡല്‍ഹി: ഇന്ത്യന്‍ ഗോള്‍ കീപ്പര്‍ ഗുര്‍പ്രീത് സിങ് സന്ധുവിന് ചരിത്ര നേട്ടം. യൂറോപ്പിലെ ടോപ് ഡിവിഷന്‍ ക്ലബിനു വേണ്ടി കളിക്കുന്ന ആദ്യ ഇന്ത്യന്‍ താരമെന്ന റെക്കോര്‍ഡാണ് സന്ധുവിനെ തേടിയെത്തിയത്. നോര്‍വീജിയന്‍ പ്രീമിയര്‍ ലീഗ് ക്ലബായ സ്റ്റാബെക് എഫ്.സിക്ക് വേണ്ടി കളത്തിലിറങ്ങിയതോടെയാണ് സന്ധുവിന് ഈ നേട്ടം സ്വന്തമായത്. മത്സരത്തില്‍ എതിരില്ലാത്ത അഞ്ചു ഗോളിന് ജയിക്കാനും സ്റ്റാബെക്കിന് സാധിച്ചു.
2014ലാണ് സന്ധു സ്റ്റാബെക്കിലെത്തുന്നത്. എന്നാല്‍ ഇതുവരെ കളിക്കാന്‍ സാധിച്ചിരുന്നില്ല. സ്ഥിരം ഗോളിയായ സായൂബ മാന്‍ഡെയ്ക്കായിരുന്നു ടീം പ്രഥമ പരിഗണന നല്‍കിയിരുന്നത്.