ന്യൂഡല്‍ഹി: മുതിര്‍ന്ന കെ.പി.സി.സി നേതാവ് കെ. മുരളീധരന്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുമായി ചര്‍ച്ച നടത്തി.
ചെങ്ങന്നൂര്‍ ഉപതെരഞ്ഞെടുപ്പ്, കെ.പി.സി.സി പദവി തുടങ്ങിയവയാണ് ചര്‍ച്ചയില്‍ വിഷയമായത്.
നേരത്തെ ഇതേ വിഷയങ്ങളില്‍ കെ.പി.സി.സി അധ്യക്ഷന്‍ എം.എം ഹസന്‍, പ്രതിപക്ഷ നേതാവ് രമേശ് ചെന്നിത്തല, മുന്‍ മുഖ്യമന്ത്രി ഉമ്മന്‍ചാണ്ടി എന്നിവര്‍ രാഹുലുമായി ചര്‍ച്ച നടത്തിയിരുന്നു. ഇതിനു പിന്നാലെ ഇക്കാര്യങ്ങളിലുള്ള തന്റെ നിലപാടാണ് മുരളി അറിയിച്ചത്.