മൊഗാദിഷു: സോമാലിയയുടെ തലസ്ഥാനമായ മൊഗാദിഷുവില്‍ നടന്ന ഇരട്ട സ്‌ഫോടനത്തില്‍ 40 മരണം. 20 പേര്‍ക്കു പരുക്കേറ്റു. പ്രസിഡന്റിന്റെ കൊട്ടാരത്തിന്റെ പുറത്തും സമീപത്തെ ഹോട്ടലിലുമാണു കഴിഞ്ഞ ദിവസം സ്‌ഫോടനം നടന്നത്.
സോമാലിയന്‍ സര്‍ക്കാരിനെ താഴെയിറക്കാന്‍ ശ്രമിക്കുന്ന തീവ്രവാദ ഗ്രൂപ്പായ അശ്ശബാബാണ് ആക്രമണത്തിനു പിന്നിലെന്നു സര്‍ക്കാര്‍ വൃത്തങ്ങള്‍ പറഞ്ഞു. പ്രസിഡന്റിന്റെ കൊട്ടാരത്തിനു സമീപം നടന്ന സ്‌ഫോടനത്തിനുശേഷം വെടിവയ്പ്പുണ്ടായെന്നും ഇതില്‍ അഞ്ചു തീവ്രവാദികള്‍ കൊല്ലപ്പെട്ടെന്നും അധികൃര്‍ പറഞ്ഞു.
കൊട്ടാരത്തിനു പുറത്ത് ചെക്ക്‌പോയിന്റില്‍ നിര്‍ത്താതെപോയ വാഹനം പൊട്ടിത്തെറിക്കുകയായിരുന്നുവെന്ന് സോമാലിയന്‍ മാധ്യമങ്ങള്‍ റിപ്പോര്‍ട്ട് ചെയ്തു. തുടര്‍ന്നു സമീപത്ത് നിര്‍ത്തിയിരുന്ന കാര്‍ പൊട്ടിത്തെറിച്ചു.