കോഴിക്കോട്: ഗോകുലം കേരള എഫ്. സിയുടെ അവസാനത്തെ ഹോം മത്സരം നാളെ വൈകീട്ട് മൂന്നിന് കോഴിക്കോട് കോര്‍പറേഷന്‍ സ്റ്റേഡിയത്തില്‍ നടക്കും. ആറിന് നടത്തേണ്ടിയിരുന്ന മത്സരം എട്ടാം തിയ്യതിയിലേക്ക് മാറ്റുകയായിരുന്നു. ഇരു ടീമുകളുടെയും ഈ സീസണിലെ അവസാന മത്സരമാണിത്.
നാളെ നടക്കുന്ന അവസാന മത്സരത്തോടനുബന്ധിച്ച് ഗോകുലം മാനേജ്‌മെന്റും ഫാന്‍സ് അസോസിയേഷനും ചേര്‍ന്ന് ഐ. എം വിജയന്‍ അടക്കമുള്ള മുന്‍കാല ഫുട്‌ബോള്‍ താരങ്ങളെ ആദരിക്കുന്ന പരിപാടിയും സംഘടിപ്പിക്കും. സീസണിന്റെ ആദ്യത്തില്‍ മോശം ഫോമിലായിരുന്ന ഗോകുലം മികച്ച ഫോമിലാണിപ്പോള്‍.
നാളത്തെ മത്സരം വിജയിക്കുകയാണെങ്കില്‍ ആറാം സ്ഥാനത്തെത്തി സൂപ്പര്‍ കപ്പിന് യോഗ്യത നേടാനായിരിക്കും ഗോകുലം ശ്രമിക്കുക. അതേസമയം ചാംപ്യന്‍മാരാകണമെങ്കില്‍ മോഹന്‍ബഗാന്‍ ഗോകുലത്തിനെതിരേ വിജയിച്ചേതീരു എന്ന അവസ്ഥയിലാണ്.